Костадин Ацевски ја повика Унијата на жени на ВМРО-ДПМНЕ да му се извини
Објавено во: Македонија 01 Декември, 2019
Пратеникот на СДСМ, Костадин Ацевски, ја повика Унијата на жени на ВМРО-ДПМНЕ да му се изјави по коментарот во јавноста дека извршил семејно насилство и дека за тоа имало пријава против него, иако експлицитно тоа не беше наведено во билтенот на МВР, а тоа подовцна го демантираше и неговата сопруга.
„Драги сограѓанки од Унијата на жени на Вмро Дпмне од Ѓорче Петров, никогаш ама апсолутно НИКОГАШ, немало пријава за семејно насилство против мене!!!
Да!!! Има пратеник од Ѓорче кој се крие зад пратеничкиот имунитет и кој е осомничен за нарачување и организирање на невидено НАСИЛСТВО, насилство на кое бевме сите сведоци, но тој е од вашите редови!!!
Апсолутно во секое време сум спремен да се соочам со одговорноста за секоја моја постапка!!!
Очекувам јавно да се извините за изнесените лаги и конструкции за мене и моето семејство. Да го повикате вашиот пратеник на одговорност, искрено не очекувам“, гласи статусот на Ацевски.
Пратеникот во напишаното алудира на Трајко Вељаноски, поранешниот собраниски спикер и актуелен пратеник, кој е обвинет за организирање на „крвавиот четврток“ на 27 април.