Коронавирус: Израел воведе 14-дневен карантин за сите кои ќе допатуваат
Објавено во: Свет 09 Март, 2020
Секој што ќе пристигне во Израел ќе треба да биде во карантин 14 дена за да се спречи ширењето на коронавирус, вели премиерот Бенјамин Нетанјаху.
„Сите што доаѓаат во Израел од странство ќе бидат ставени во изолација“, рече тој во видео обраќањето објавено на Твитер.
Израелскиот министер за внатрешни работи Арих Дери, рече дека мерката ќе биде ефективна веднаш за сите Израелци што се враќаат во земјата.
Ова се однесува на странски граѓани од четврток, додаде тој.
Овој потег значи дека странските пристигнувања ќе мора да докажат дека имаат соодветно сместување за да бидат ставени во карантин за време на нивниот престој во земјата.