29 Ноември, 2020
0.0233

Koрона кризата го „билда“ бројот на невработени

Објавено во: Економија, Корона Вирус 23 Мај, 2020

Ако се погледнат статистичките податоци објавени од Агенцијата за вработување, во април бројот на невработени е поголем од претходните месеци.

Пандемијата со Ковид - 19 доведе до тоа да имаме зголемен број на невработени во Македонија. Во април, без работа биле 114.762 луѓе, а во март таа бројка изнесувала 107.732, додека во февруари бројот на невработени бил 105.816.

Голем број работници ги изгубија работните места во периодот додека земјата е во вонредна состојба, на сила е полицискиот час, а во одредени сектори или воопшто не се работеше или работата беше сведена на минимум. Во големите градови како Скопје, Тетово и Куманово, вообичаено бројот на невработени е најголем.

Но, забележано е дека дел од компаниите кои претходно отпуштиле работници, сега повторно бараат кадри.

„Имаме активни огласи, се бараат работници, претежно заварувачи, водоинсталатери, работници за во производство и други занаетчиски профили. Фирмите бараат по 2-3 работници. Дали состојбата ќе се среди во наредните месеци, не можеме да предвидиме“, велат од агенција за посредување при вработување во внатрешноста.

Донка Спасовска, сопственичка на агенцијата за посредување при вработување „Хоризонт“, вели дека во мај и јуни најверојатно ќе имаме уште поголем број на невработени, затоа што приватниот сектор е на удар.

„Приватниот сектор кој пред кризата броеше околу 550.000 вработени, како доминантен е најпогоден и е оставен самиот да се бори затоа што мерките за помош не се компетитивни. Ако ова потрае едноставно многу фирми со повеќе вработени не можат да издржат од свој џеб да ги покриваат трошоците“, додава Спасовска.

Таа објаснува дека работодавачите би можеле месец или два да ги покриваат трошоците за работниците иако не работат, но на подолг рок тоа не е можно, а посебно затоа што се очекува и втор бран на заразата наесен.

Но, сликата е иста и во регионот, па и пошироко. Пандемијата доведе до раст на невработеноста глобално.

Во светот 60 милиони луѓе ќе живеат со помалку од 2 долари дневно како последица на пандемијата.

Сања Атанасовска

Можеби ќе ве интересира

Хари Локвенец како нов директор на МЖ Инфраструктура: Нема притисоци, до 2025 ќе биде готова железницата до Бугарија

Хари Локвенец како нов директор на МЖ Инфраструктура: Нема притисоци, до 2025 ќе биде готова железницата до Бугарија

Турски инвеститор не сака да продолжи да гради брана во Македонија, бара да му се платат 4 милиони евра

Турски инвеститор не сака да продолжи да гради брана во Македонија, бара да му се платат 4 милиони евра

Рафајловски: Зголемувањето на данокот за куќа и стан во кој не се живее е популистичка мерка

Рафајловски: Зголемувањето на данокот за куќа и стан во кој не се живее е популистичка мерка

Нема да има изедначување, жените сепак во пензија ќе одат на 62 години

Нема да има изедначување, жените сепак во пензија ќе одат на 62 години

Шахпаска: Голем број на млади се пријавија за финансиска поддршка, затоа невработеноста многу се зголеми

Шахпаска: Голем број на млади се пријавија за финансиска поддршка, затоа невработеноста многу се зголеми

Танасоски: Регистрација на возила со странски таблички само доколку се исполнети условите

Танасоски: Регистрација на возила со странски таблички само доколку се исполнети условите

Димитар Ковачевски: Наскоро 6.000 денари на сметките на ранливите категории граѓани

Димитар Ковачевски: Наскоро 6.000 денари на сметките на ранливите категории граѓани

Кирил Лазаров: Во иднина да се проектира и автопатско решение кон Бугарија

Кирил Лазаров: Во иднина да се проектира и автопатско решение кон Бугарија

Одлука на грчката влада: ПЦР-тестовите не смеат да бидат поскапи од 40 евра

Одлука на грчката влада: ПЦР-тестовите не смеат да бидат поскапи од 40 евра