Конечно објавено кога низ Србија ќе протече гас од „Турски тек“: Борисов го потврдил датумот!
Објавено во: Економија 13 Декември, 2019
Рускиот амбасадор во Бугарија, Анатолиј Макаров изјавил дека бугарскиот премиер Бојко Борисов му ветил дека рускиот гас ќе протече од Бугарија кон Србија преку цевководот „Турски тек“ на 31 мај 2020 година.
„Го прашав директно: Господине Борисов, кога рускиот гас од Бугарија ќе тргне во Србија, а тој рече на 31 мај.
Па, тогаш ќе ја известам Москва“, рече Макаров, пренесува Спутник.
Рускиот претседател Владимир Путин неодамна ја критикуваше Бугарија за отежната изградба на делот „Турски тек“.
Борисов потоа објасни дека изградбата е во согласност со барањата на Европската унија и го повика Путин да дојде во Бугарија и самиот да види дека работите напредуваат.