Добивај вести на Viber
Комерцијална банка АД Скопје по шести пат е добитник на наградата „Банка на годината во Македонија“ од магазинот „Банкер“.
Интернационалниот реномиран магазин на свечената церемонија што се одржа во Лондон на 30 ноември 2011 година ги додели престижните награди за најдобри банки во светот. Прогласувањето на најдобрите банки во светот се врши врз основа на следниве критериуми: поврат на средствата на акционерите, стратегиски предности во однос на конкурентите и проценти на пораст на капитал, актива и нето-профит.
Оваа награда претставува уште една потврда за нашиот успех и нашата силна домашна и меѓународна репутација, но и насока за нашата понатамошна работа.