КОЛКУ МАКЕДОНСКИ ФИРМИ СЕ ВО БАНКРОТ: Можно е допрва да се затвораат поради кризата

Добивај вести на Viber

Точно е дека минатата година беше една од потешките економски години за домашната економија, а поради рестрикциите, компаниите се бореа со ликвидност. Во таа година порасна и долгот на корпоративниот сектор, но бројот на банкротираните компании се намалил. Податоците од Народната банка покажуваат дека во 2020 година сапката на банкротирани компании изнесува 0,87 проценти, а во 2019 година била 1,4 проценти.

Намалувањето се должи најмногу на неможноста да се однесе фирма во стечај во 2020 година. Имено поради уредбите со законска сила за примена на Законот за стечај за време на вонредна состојба што ги донесе Владата како дел од антикризните мерки, поведувањето нови стечајни постапки и веќе започнатите стечаисе одложија за времетраењето на вонредната состојба, како и по престанокот на вонредната состојба до 30 јуни 2020 година. Народната банка сепак ставува дека можни се  одложени ефекти и зголемвање на бројот на банкротирани фирми годинава.

„Можни се одложени ефекти, особено по повлекувањето на антикризните мерки и во случај на побавно економско закрепнување од очекуваното, што ги нагласува ризиците за финансиската стабилност што произлегуваат од корпоративниот сектор во следниот, велат од Народната банка.

Инаку стапката на банкротирани правни лица се пресметува како сооднос меѓу бројот на правни лица над кои е отворена стечајна постапка во текот на годината и  просечниот годишен број активни правни лица.  Ако лани годишни сметки до Централниот регоистар доставиле 61.864 фирми со ваква стапка од 0,87 проценти, излегува дека банкротиралe 538 компании.

Бројот на регистрирани фирми  во земјава е многу поголем односно изнесува 113.306. Од овие правно-формално постоечки субјекти, годишни сметки до Централниот регистар доставиле помалку од половина, или 61.864.

Фактор веќе пишуваше дека долгот на коропративниот сектор лани статсал до процент колку што е и вкупниот јавен долг на државата.