03 Јуни, 2020
0.0250

Колкави профити направија двете осигурителни друштва на „Винер“

Објавено во: Економија 22 Мај, 2020

Профитот на Винер Лајф лани е зголемен за 89 отсто, а добивката на Винер ВИГ Скопје компанијата за неживотно осигурување порасна за 11 отсто. Претставниците на компанијата-мајка од Виена можат да бидат задоволни од пазарната пенетрација и од остварените профити во нивните друштва за животно и за неживотно осигурување.

Двете осигурителни компании кои во земјава работат под брендот „Винер“ (и двете се сопственост на австриската „Виена Иншурнс Груп“ н.з.) Винер Лајф и Винер ВИГ Скопје минатата година ја завршија со зголемени добивки од 2018 година, покажуваат официјалните финансиски извештаи кои деновиве двете компании.

Поголемата, според остварените приходи и нето профит, е компанијата која учествува на пазарот на неживотно осигурување Винер Виена Иншурнс Груп Скопје. Ова друштво лани остварило нето приходи од 5,95 милиони евра што е за 473.000 евра односно за 9 отсто подобар резултат од 2018 година. Приходите од вложувања на компанија лани изнесувале 421.000 евра и се за 13.000 евра пониски од претходната година. Приходите од провизии од реосигурување исто така бележат раст во однос на 2018 година. Тие лани изнесувале 2,6 милиони евра што е за 366.000 евра повеќе од претходната споредбена година.

Вкупните расходи од работењето на Виена ВИГ Скопје на крај на 2019 година изнесуваат 8,7 милиони евра и тие пораснале за 869.000 евра односно за 11 отсто. Најголема расходна ставка се бруто исплатените штети кои изнесуваат 5,8 милиони евра и бележат пад од 604.000 евра во однос на 2018 година. Нето трошоците за спроведување на осигурувањето изнесуваат 4,96 милиони евра и се поголеми за 801.000 евра, а меѓу нив очекувано најголема ставка се административните трошоци кои изнесуваат 2,5 милиони евра и се зголемени за 747.000 евра.

Добивката по оданочување на Винер ВИГ Скопје лани изнесува 799.000 евра и е поголема за 76.000 евра од 2018 година. Тоа е раст поголем од 10 отсто.

Помалата Винер компанија е Винер Лајф која работи на пазарот на животното осигурување. И таа лани имала значајно подобрување во споредба со 2018 година. Особено ако се знае дека само 3 отсто од македонската популација користи животно осигурување. Нејзините нето приходи пораснале за 383.000 евра и достигнале ниво од 4,3 милиони евра. Експлозивен раст бележат приходите од вложувања кои изнесуваат 907.000 евра и во однос на 2018 година се зголемени за над половина милион евра (резултат на зголемување на вредноста на вложувања во инвестициски фондови поврзано со Unit Linked полиси) .

Административните трошоци на компанија лани изнесувале 1,9 милиони евра што е за 76.000 евра помалку од претходната година. Нето трошоците за штети лани изнесуваат 490.000 евра и се зголемени за 47.000 евра. Добивката по оданочување изнесува 137.000 евра и е за 64.500 евра поголема од 2018 година што претставува резултат за почит.

Р.Ф.

Можеби ќе ве интересира

Усвоен Протоколот за превентивни мерки за сите работни места за спречување на пренесувањето на КОВИД-19

Усвоен Протоколот за превентивни мерки за сите работни места за спречување на пренесувањето на КОВИД-19

БРОЈКАТА НИКОГАШ НЕ БИЛА ПОГОЛЕМА: Се повеќе Германци работат со скратено работно време

БРОЈКАТА НИКОГАШ НЕ БИЛА ПОГОЛЕМА: Се повеќе Германци работат со скратено работно време

СТАПИ НА СИЛА ДЕНЕСКА: Русите четири месеци нема да увезуваат нафта

СТАПИ НА СИЛА ДЕНЕСКА: Русите четири месеци нема да увезуваат нафта

РЕКОРДНА НЕВРАБОТЕНОСТ: Oд Втората светска војна вакво нешто не се случило во Австрија

РЕКОРДНА НЕВРАБОТЕНОСТ: Oд Втората светска војна вакво нешто не се случило во Австрија

Инспекторатот предложил олеснување на протоколите за кафулињата и рестораните

Инспекторатот предложил олеснување на протоколите за кафулињата и рестораните

Тутунски Комбинат Прилеп со дивиденда од 2,4 милиони евра од заедничката компанија со Филип Морис

Тутунски Комбинат Прилеп со дивиденда од 2,4 милиони евра од заедничката компанија со Филип Морис

Анализата е готова: Министерството за финансии не го прифати предлогот за изедначување на акцизата за екстралесното гориво со дизелот

Анализата е готова: Министерството за финансии не го прифати предлогот за изедначување на акцизата за екстралесното гориво со дизелот

Финансиска поддршка за исплата на априлски плати добиле 42 големи компании

Финансиска поддршка за исплата на априлски плати добиле 42 големи компании

Економската криза допрва доаѓа: Одблиску со Анета Трајковска од Стопанска комора на Македонија

Економската криза допрва доаѓа: Одблиску со Анета Трајковска од Стопанска комора на Македонија