20 Јуни, 2019
0.0276

Колкава ќе му биде платата на Кире Колемишевски како директор на „Македонска банка“

Објавено во: Економија 27 Мај, 2019

Двајцата директори на Македонска банка за поддршка на развојот АД Скопје поделиле 4,5 милиони денари бруто плата, надоместоци, бонуси и осигурувања минатата година. Државната банка која со комерцијални банки-посредници ги финансира малите и средните претпријатија во 2018-та беше предводена од Драган Мартиновски како главен извршен директор и од Бесим Билали како главен оперативен директор. Тие се и единствените членови на Управниот одбор на банката која се финансира од странски банки и со истите средства, како и со пари од државниот буџет, го кредитира стопанството.

На средината на мај годинава адвокатот по стопанско право Кирил Колемишевски, од Надзорниот одбор дојде на местото на Мартиновски, а претходно во февруари универзитетскиот професор Вељанд Рамадани исто така од Надзорниот одбор дојде како вршител на должност на местото на Билали. Колемишевски пријавил годишни бруто-примања од 353 илјади денари во адвокатското друштво „Колемишевски и партнери“, како и 53 илјади денари за шест месеци од надзорниот одбор на Аутомакедонија АД, додека Рамадани не ги пријавил своите примања, стои во тукушто објавениот годишен извештај на МБПР.

За членовте од другите одбори примањата се помали. За оние од Надзорниот одбор се исплатени 1,33 милиони денари. Таму интересно е тоа што членува Софче Јовановска, советникот во кабинетот на вицепремиерот Кочо Анѓушев, која веќе пријавила 1,56 милиони денари годишни бруто-примања од Владата, како и 1,32 милиони денари од членството во клириншка куќа КИБС. Вреди да се спомене дека во овој одбор на „Македонска банка“ како член назначен од Владата е и поранешниот министер за финансии и актуелен професор Никола Поповски.

Според политиката на наградување, во МБПР бонусите не смеат да бидат поголеми од 25 отсто од фиксните примања. На членовите на надзорниот одбор им се исплатени 1,33 милиони денари, на оние од одборот за ревизија 438 илјади денари а на други 13 лица со посебни права и одговорности им се доделени 14 милиони денари.

Активата на кредитирање во 2018-та на Македонска банка била 9,2 милијарди денари додека во 2017 било 11,2 милијарди и според тоа бележи намалување за 18,1 отсто. Нето-приходите од камати се паднати на 100 милиони од 133 милиони година дена претходно. Добивката е падната на 52 милиони од 100 милиони една година претходно.

Обврските по кредити се намалиле од 9,9 на 7,5 милијарди  2.5 милијарди денари обврски за една година се отплатиле и во 2018 и во 2017. Управувањето со кредитниот ризик бил 13 милијарди во 2017, додека во 2018 бил 10,4 милијарди. Приходите и се намалени од каматите, зголемени од провизиите. Платено е двојно помалку данок на добивка.

Државниот кредитор најмногу средства позајмува од Европската инвестициона банка, како и од германската национална банка KFW. Освен обезбедување на финансии за мали и средни домашни претпријатија, Македонска банка за поддршка на развојот го кредитира и земјоделието, извозот и ИПА-проектите на локалните самоуправи, самовработување и осигурување. Соработува со речиси сите деловни банки од Македонија кои се нејзини посредници.

Александар Кузмановски

Можеби ќе ве интересира

Борба на титаните: кои се најплатените банкари во земјава?

Борба на титаните: кои се најплатените банкари во земјава?

Мила Царовска: За прв пат исплатени пензии без задолжување

Мила Царовска: За прв пат исплатени пензии без задолжување

Миќиќ Божиновска: Повратот на ДДВ е повеќе популистичка отколку мерка за враќање на парите

Миќиќ Божиновска: Повратот на ДДВ е повеќе популистичка отколку мерка за враќање на парите

Теменугов: Буџетот е растегнат како мрсулче

Теменугов: Буџетот е растегнат како мрсулче

ВМРО-ДПМНЕ: Главна цел на младите не е да собираат фискални, туку да соберат пари за да купат карта за заминување

ВМРО-ДПМНЕ: Главна цел на младите не е да собираат фискални, туку да соберат пари за да купат карта за заминување

Нова светска економска криза во 2020 година

Нова светска економска криза во 2020 година

Идната година ќе ги укинат квотите за странски работници

Идната година ќе ги укинат квотите за странски работници

МИСТЕРИЈА: Kaде е златото на СССР?

МИСТЕРИЈА: Kaде е златото на СССР?

Павле Гацов даде пример како да ви се врати максимално дозволениот износ на ДДВ од 28.000 денари годишно

Павле Гацов даде пример како да ви се врати максимално дозволениот износ на ДДВ од 28.000 денари годишно