27 Октомври, 2021
0.0442

КОЛАПСИ НА УЛИЦА, МОЗОЧНИ УДАРИ, ИНФАРКТИ: Брзата помош интервенира и до 100 пати за 24 часа, топлиот бран критичен за хроничните болни

Објавено во: Македонија 04 Август, 2021

Во моментов Македонија е во алертна портокалова фаза, проследена со исклучително високи температури кои ја креваат живата на термометрот и до 43 степени. Ваквите временски услови според лекарите се исклучително опасна за хроничните болни. Во разговор за Фактор, д-р Милица Бубало, раководителката на Итната медицинска помош при Здравствен дом Скопјевели дека телефоните буквално не престануваат да ѕвонат, а екипите на Брзата помош реализираат од 80 до 100 покани за само 24 часа.

-Најчести повици доаѓаат од граѓаните кои патат од хронични заболувања. Тоа се пациенти со ХОББ-хронично опструктивна белодробна болест, астма, луѓе со хипертензии, односно оние кои патат од висок крвен притисок. Ним прво им советуваме да ја земат соодветната терапија, но доколку тоа не помогне, интервенира екипата на Итната медицинска помош. Она што не може да чека се акутните состојби како што се инфарктите, мозочните удари и секако карактеристично за овој исклучително топол период се колапсите. Имаме повици за колапси буквално на улица. Се случува да имаме од 8 до 10 вакви состојби дневно. Причина за тоа е огромната тепературна разлика. Од затворен простор каде што температурата е 20-тина степени, на пеколно сонце, каде што температурата надминува 40 степени луѓето дожививаат температурен шок и колабираат. Ова е посебно опасно за повозрасните граѓани и за бебињата. Но секако треба да се знае дека и помладите, и луѓето во средните години може да се случи да колабираат поради огромната температурна разлика која ја доживуваат за многу кратко време. 10-тина степени е најголемата разлика што треба да постои. Значи ако е надвор 40 степени, во домовите, канцелариите треба да е 30-тина степени, и да постои период на аклиматизација пред да се излезе надвор. Телото полека да се приспособи на многу повисока температура, посочува д-р Бубало.

Раководителката на Итната медицинска помош појаснува и дека акипите интервенираат и поради зголемен број сообраќајни незгоди.

-Имаме и ситуации кога и во возење се случуваат црцеви или мозочни удари заради што настануваат сообраќајните незгоди, па екипата на Брзата помош стигнува по само неколку минути од повикот. Тоа се оние ситуации кога нема чекање и кога мора веднаш да се интервенира. Но, во услови кога сме малку разретчени заради годишните одмори, а вработените во Итната медицинска помош, ги користат дури сега, по година и пол, од 2019, генерално се обидуваме да им дадеме совети на граѓаните кои се јавуваат заради повраќања и диареја. Ги упатуваме да се јават и кај нивните матични лекари, зошто тоа се ситуации кои може да се решат успешно и без да интервенира екипата на брзата помош. Со само пет екипи дневна и пет екипи ноќна смена гледаме да стигнеме при повици заради пад од скелиња, колапси, како што веќе напоменав и акутните состојби при мозочни удари и инфаркти, и секако да стигнеме кај хроничните болни, вели д-р Бубало.

Таа нагласи дека во овој период е најважно да се почитуваат препораките кои ги дава Минстерството за здравство.

-Во текот на екстремно топли денови да се остане повеќе во затворени простории (пред се климатизирани), а при неопходен престој на отворен простор во овој период, да се најде можност за почести одмори под сенка.

-Да се носи светла и лесна облека, а при директна изложеност на сонце да се носат заштитни очила и капа и да се користи крема со висок заштитен фактор.

-Да се внесува помало количество храна, претежно овошје и зеленчук, а помалку масна храна.

-Да се внесуваат големи количества течности, најдобро обична вода за пиење, а да се избегнуваат алкохолните пијалаци.

-При влегување во возило, потребно е тоа одреден период да се проветри.

-На хронично болните лица се препорачува редовно да ја земаат препишаната терапија, во консултација со матичните лекари.

Поради високите температури и зголемената можност за појава на труења со храна и цревни заразни заболувања, се препорачува задолжително миење на земјоделско-градинарски производи (свеж зеленчук и овошје) пред нивна употреба, термичка подготовка на храната и нејзино консумирање веднаш по подготовката.   

Анита Буховски


Можеби ќе ве интересира

Нови правила за влез во угостителски објекти од 15 ноември

Нови правила за влез во угостителски објекти од 15 ноември

ФАКТОР НА ДЕНОТ: Власта порачува дека нема причина за загриженост, а опозицијата стравува дека ќе има рестрикции на струја

ФАКТОР НА ДЕНОТ: Власта порачува дека нема причина за загриженост, а опозицијата стравува дека ќе има рестрикции на струја

Ќе важат и гласачките ливчиња на кои нема печат

Ќе важат и гласачките ливчиња на кои нема печат

Симоновски за изгорените бараки: Материјалите се лесно запаливи, станува збор за ламперија, преградни ѕидови, шпер плоча

Симоновски за изгорените бараки: Материјалите се лесно запаливи, станува збор за ламперија, преградни ѕидови, шпер плоча

Преземени се мерки против наставникот кој тепаше ученик во училиште во Бутел

Преземени се мерки против наставникот кој тепаше ученик во училиште во Бутел

Пациент истепал вработен во Психијатриската болница Демир Хисар

Пациент истепал вработен во Психијатриската болница Демир Хисар

Димитриевски: Градскиот стадион ќе добие целосно нов лик, со реконструкција во неколку фази

Димитриевски: Градскиот стадион ќе добие целосно нов лик, со реконструкција во неколку фази

(ФОТО) Горат бараки во Градски Парк

(ФОТО) Горат бараки во Градски Парк

Весковски: Стопирана изградбата на Прифатниот центар за странци во Бардовци, со одлука на Влада

Весковски: Стопирана изградбата на Прифатниот центар за странци во Бардовци, со одлука на Влада