21 Октомври, 2021
0.0252

Кој, среде корона криза, ќе плати 1,3 милиони евра за да купи хотел во Дојран?

Објавено во: Економија 20 Септември, 2021

Велат ризикот создава капитал, а најдобрите бизниси се прават во тешки времиња. Особено сега кога хотелската индустрија е силно удрена од корона кризата „ноу нејм“ фирма за нашата јавност во директна спогодба нуди 1,3 милиони евра да купи хотел во Дојран кој не е во функција! Зделката ќе се официјалира ако одлуката ја усвојат акционерите на „Бетон Скопје“ градежна компанија која за првата половина годинава оствари загуба од 3,8 милиони евра

„Репро 21“ ДООЕЛ, е спремен да плати 1,3 милиони евра (со вклучен ДДВ) за да го купи хотелот на „Бетон Скопје“ во Стар Дојран. Оваа одлука ја предлага менаџментот на друштвото за претстојното акционерско собрание на „Бетон“ Скопје закажано за 18 октомври годинава.

Хотелот на „Бетон“ се наоѓа во срцето на туристичкиот центар на Стар Дојран кај општината во непосредна близина на шеталиштето и градската плажа. Овој хотелски капацитет не работи. Интересот на оваа компанија, која неофицијално е фирма ќерка на „Репро Оне“ акционер во „Бетон“, за овој хотел не треба да зачудува. Со оглед на зголемениот обем на инвестиции на Општина Дојран во туристичката инфраструктура на ова турстичко место, особено годинава кога општината од фондовите на Европската унија доби 1,5 милиони евра за развој на туризмот и прекуграничната соработка. Можеби е добра зделка од аспект на тоа што побарувачката за хотелско сместување во Дојран во континуитет расте, а понудата се состои од седум хотели од кои само четири нудат сместување оваа сезона.

За оваа продажба пресудно ќе биде гласањето на: „Репро Оне Лимитед“ кој поседува 22,2 отсто од акциите, „Волс Трејдинг Корп“ со 21 отсто од акциите и „Ароуцрест ЛТД“ со 20 отсто, трите најголеми акционери во скопската градежна компанија, сите регистрирани и со седишта во оф-шор деловна зона. 

Во предлог одлуките кои се на гласање за претстојното собрание нема образложение од кои причини „Бетон Скопје“ ќе продава свои хотели од кои еден е во Дојран, еден во Охрид и два во Скопје од кои едниот е објект во изградба и за овие објекти компанијата ќе објави огласи за продажба.

„Бетон Скопје“ минатата година ја заврши со загуба во работењето од 9,4 милиони денари. Во првото полугодие годинава „Бетон“ книжи пад на приходите од продажба од 40 отсто во однос на истиот период лани и загуба од 3,77 милиони евра.

Р.Ф.

Можеби ќе ве интересира

Како Европа ќе закрепне од ударот на корона кризата?

Како Европа ќе закрепне од ударот на корона кризата?

Швајцарија оваа зима може да остане без струја

Швајцарија оваа зима може да остане без струја

Ги замрзнаа цените на скоро 1.500 производи до 2022 година

Ги замрзнаа цените на скоро 1.500 производи до 2022 година

Нов пробив за биткоинот

Нов пробив за биткоинот

Генерали Инвестментс: Повисоката инфлација најверојатно ќе трае подолго од очекувањата на јавноста

Генерали Инвестментс: Повисоката инфлација најверојатно ќе трае подолго од очекувањата на јавноста

АНАЛИЗА: Можни ли се рестрикции на струја во зимата, експерти алармираат - состојбата е катастрофална

АНАЛИЗА: Можни ли се рестрикции на струја во зимата, експерти алармираат - состојбата е катастрофална

УШТЕ ПОСИЛНА ДИГИТАЛНА ВАЛУТА: Поради ова биткоинот би можел да биде повреден како никогаш досега

УШТЕ ПОСИЛНА ДИГИТАЛНА ВАЛУТА: Поради ова биткоинот би можел да биде повреден како никогаш досега

„Македонија пат“ за една година бројот на вработени го зголемил за 130

„Македонија пат“ за една година бројот на вработени го зголемил за 130

Многу држави ќе натрупаат долгови поради пандемијата

Многу држави ќе натрупаат долгови поради пандемијата