Кој е во право газдите или текстилните работници

Добивај вести на Viber

Последните неколку денови јавноста „врие“ поради ситуцијата во еден од најслабо платените сектори во државата -текстилната индустрија.

Имено, неколку текстилни компании здружени во Текстилниот кластер бараат текстилните работници да работат по 8 и пол часа, за да може паузата од половина час да им биде платена.

Седум и пол часовното ефективно работно време со плус 30 минути платена пауза да се замени по примерот на сите европски земји во окружувањето со 8 часа ефективно работно време плус 30 минути латена пауза што значи вкупно 8 часа и 30 минути. Сегашниот начин на работно време не прави многу понеконкурентни во однос на опкружувањето, а нашиот предлог ќе отвори можност за директно покачување на платите како резултат на подолгото работно време од половина час, велат од кластерот.

Претседателката на Кластерот Маријана Перковска за Фактор вели дека на ваков начин работниците ќе извршуваат поголема норма, а дека такво работно време има и во сите други земји.

Според последните податоци во текстилната индустрија во земјава се вработени над 36.000 луѓе. 

Убедливо најголем меѓу текстилците е прилепски „Комфи Ангел“ компанија што лани имала вкупни приходи од 24,9 милиони евра, а од нив 4,4 отсто се профит. Има ли магична формула со која може да се зголемат платите на вработените, а притоа профитната маргина да остане макар и ваква „тенка“ .