29 Март, 2024
0.0364

Кои се тројцата „манги“ од источна Македонија со приход од 200 милиони евра

Објавено во: Македонија 20 Ноември, 2019

Добивај вести на Viber

Трите рударски компании во Источна Македонија лани направиле приходи од речиси 200 милиони евра и профит од 63,4 милиони евра!!! Зошто источна Македонија е грев последна дупка по инфраструктура, животен стандард  и економски раст, а прва по без перспективност и иселување? Веројатно значајна улога има и тоа што ниту евро од експлоатацијата на рудните народни ресурси преточена во профитите не останува во земјава и во местата од каде се експлоатира рудата ...

Источна Македонија била помалку развиен регион во земјава. Флоскула што се користи и  употребува често во зависност од контекстот, потребите и политичката позиција на тој што ја користи. Често се истакнува, а многупати и се злоупотребува. Не е Источна Македонија сиромашна затоа што таму нема приходи, ресурси, вредни луѓе или бизнис потенцијали. Поверојатно е сиромашна зашто цената со која се подмирува социјалната правда и мир е многу ниска.

Дали верувате дека во три мали градови во Источна Македонија има три фирми кои лани заедно имаат приходи во износ од 196,5 милиони евра? И не се гринфилд странски инвестиции. Кои се? Тоа се три рударски компании: „Саса“ од Македонска Каменица, „Бул Мак 2016“ од Пробишти (двете стопанисуваат рудници за олово и цинк) и „Бучим ДОО“ од Радовиш кој стопанисува рудник за бакар и злато.

„Саса“ е една од најпрофитабилните македонски компании. Официјалните податоци за оваа рударска компанија со седиште во Македонска Каменица покажуваат дека лани направила приход од 113,9 милиони евра. Профитот на „Саса“ лани бил 41 милиони евра. Оваа компанија е во сопственост на скопска фирма со назив ЦМК Европа, а „Саса“ ја води руски државјанин. Само за потсетување пред повеќе од 15 години „Саса“ беше продадена за без пари како државен загубар, изгубен случај и економска пропаст. Слична приказна како и „Фени“.

„Бучим“ е вториот рударски гигант во источна Македонија. Радовишката компанија лани продуцирала приходи од 58,7 милиони евра. Тоа е „мисловна именка“ за другите фирми од струмичко-радовишкиот регион. Расходите на „Бучим“ лани биле 39,2 милиони евра, а нето добивката изнесува 17,4 милиони евра. Оваа фирма е сопственост на странска компанија со назив „Солвеј Индустрис“. И „Бучим“ има слична животна приказна како и „Саса“. Државна фирма која пропадна во матната македонска транзиција која изнедри милионери. И „Бучим“ беше продаден за мали пари преку трансакции со неговите акции на нашата берза. Разликата е што „Саса“ ја продаваше стечаен управник. Заедничко им е што и двете државни фирми се продаваа речиси за без пари.

„Бул Мак 2016“ е компанијата што лани од рудниците „Злетово“ и „Тораница“ оствари приходи од 23,9 милиони евра и профит од 6,4 милиони евра. Оваа компанија е со седиште во Пробиштип кој заедно со Каменица е најрударскиот град во Македонија. Постарите го памтат како рударски бастион кој заедно со Велење од Словенија имале највисок БДП во поранешна Југославија. Биле пилот проекти на реален комунизам – комуни во кои се што е од јавен интерес било бесплатно. Сега рудниците ги поседува бугарскиот реномиран гигант од областа на рударството – „Мин Строј“. 


Р.Ф.

Можеби ќе ве интересира

ДОМАШНОТО ПРОИЗВОДСТВО НА МЛЕКО СЕ НАМАЛИЛО ЗА НАД 25 ПРОЦЕНТИ: статистика изброја и помалку говеда

ДОМАШНОТО ПРОИЗВОДСТВО НА МЛЕКО СЕ НАМАЛИЛО ЗА НАД 25 ПРОЦЕНТИ: статистика изброја и помалку говеда

СЕ ОГЛАСИ ЛИДИЈА ДИМОВА: Во присуство на Исмајлоска, Заев побара од мене да ја повлечам пријавата за злоупотреба на 2,2 милиони евра

СЕ ОГЛАСИ ЛИДИЈА ДИМОВА: Во присуство на Исмајлоска, Заев побара од мене да ја повлечам пријавата за злоупотреба на 2,2 милиони евра

(ВИДЕО) Љубе Бошковски и Стојанче Ангелов рамо до рамо со Христијан Мицкоски

(ВИДЕО) Љубе Бошковски и Стојанче Ангелов рамо до рамо со Христијан Мицкоски

„ДУИ мисли на договор со кој цела територија на Македонија ќе се покрие со казина“: Хајредини со остра критика

„ДУИ мисли на договор со кој цела територија на Македонија ќе се покрие со казина“: Хајредини со остра критика

Тројца починати и тројца тешко повредени во сообраќајка во Кичево

Тројца починати и тројца тешко повредени во сообраќајка во Кичево

„ОВА Е САМО ЕДЕН ПРИМЕР НА НЕОДГОВОРНО, НЕЧЕСНО И ВАЛКАНО ОДНЕСУВАЊЕ“: Петровска ја доби тужбата против Ковачки

„ОВА Е САМО ЕДЕН ПРИМЕР НА НЕОДГОВОРНО, НЕЧЕСНО И ВАЛКАНО ОДНЕСУВАЊЕ“: Петровска ја доби тужбата против Ковачки

Курто Дудуш: СДСМ и ВМРО-ДПМНЕ ни нудеа само директорски места, затоа отидовме со ДУИ

Курто Дудуш: СДСМ и ВМРО-ДПМНЕ ни нудеа само директорски места, затоа отидовме со ДУИ

КУЌЕН ПРИТВОР ЗА ДВАЈЦА ОД УАПСЕНИТЕ ЗА УБИСТВОТО НА ДОКТОРОТ - прифатено барањето на обвинителите

КУЌЕН ПРИТВОР ЗА ДВАЈЦА ОД УАПСЕНИТЕ ЗА УБИСТВОТО НА ДОКТОРОТ - прифатено барањето на обвинителите

„ДАЛИ Е ВИСТИНА ДЕКА СЕ ШТЕДИ НА ИНФУЗИЈА ЗА ДЕЦА И СЕ БАРА МИТО“ - лидерот на Левица со прашање за велешката болница

„ДАЛИ Е ВИСТИНА ДЕКА СЕ ШТЕДИ НА ИНФУЗИЈА ЗА ДЕЦА И СЕ БАРА МИТО“ - лидерот на Левица со прашање за велешката болница