Кога ќе стартува и како ќе се вика порталот на кој ќе се гледа како се трошат јавните пари
Објавено во: Финансии 18 Април, 2018
Министерството за финансии во соработка со Меѓународниот републикански институт (ИРИ) подготвуваат портал „Отворени финансии“ кој што треба да биде пуштен во употреба кон крајот на годината.
Овој портал ќе содржи податоци за трошењето на парите на граѓаните, односно за што се трошат парите, колку и кон која институција се вршело плаќање од буџетот и слично.
Во првата фаза ќе бидат достапни податоците за буџетските корисници на централно ниво, а потоа и на единиците на локалната самоуправа.
Податоците ќе бидат објавени во лесно достапни формати кои подоцна ќе бидат лесно обработливи.