Кличко: Руските војници никогаш нема да влезат во нашиот град
Објавено во: Свет 25 Март, 2022
Посилни сме од Русите оти тие се борат за пари, а ние за независност, вели градоначалникот на Киев, Виталија Кличко.
Тој во интервју за Н1 изјави дека руските војници никогаш нема да влезат во Киев.
„Ги уништивме плановите на агресорите да го окупираат Киев. Ние сме силни, посилни од Русите, бидејќи руските агресори се борат за пари, а ние се бориме да ја одбраниме нашата независност, нашата слобода. Ги браниме нашите деца, нашето семејство . Затоа нашата борба е неверојатна. Имаме неверојатна мотивација да ја браниме иднината на нашите деца. Руските војници никогаш нема да влезат во нашиот град“, рече Кличко.
Русија јавува за 1.351 руски војник загинат во Украина, и тоа е многу под западните проценки кои говореа дека има над 10.000 загинати.
Високи воени претставници денеска во Москва изјавија дека 3.850 руски војници биле повредени во борбите, кои започнаа на 24 февруари.
Украинскиот претседател Володимир Зеленски му порача на Европскиот совет дека „задоцнил“.