ЌЕ УДРИ ЛИ ДУБРОВНИК ПО РЕСТОРАНИТЕ: Со новиот закон ќе ги разбеснат и мештаните

Добивај вести на Viber

Нов строг закон во декември би можел да удри по рестораните во Дубровник.

Како што пренесоа медиумите од соседството Дубровник кој со години наназад е меѓу најпопуларните туристички дестинации и стана доста популарен во познатата серија „Игра на престоли“ се разгледува радикален потег во борба против преголемиот број на туристи - забрана за отворање на нови ресторани.

Доколку советот на Дубровник гласа во декември за тој предлог и истиот биде изгласан, тогаш законот ќе забрани нови столици и столови во стариот дел на градот во наредните пет години.

Хрватските медиуми посочуваат дека ресторани ќе може да се отвораат внатре, но знаејќи го Стариот град, ќе биде многу тешко да се најде таков простор. Скоро сите ресторани работат претежно со градините, а доколку пак се случи некој од старите ресторани да затворат нови нема да можат да го заменат.

Бидејќи рестораните во Стариот град во Дубровник практично се приклештени за ѕидините со многу ограничен прстор , градините го спасуваат прометот а тоа значи дека во пракса новиот закон ќе значи и забрана за отворање на ресторан.

Бидејќи Градскиот совет го поседува целиот јавен простор во Дубровник, затоа ќе одлучи дали на ресторанот ќе му се додели надворешен простор со столици или не.

Со ефектите од прекумерниот туризам градот досега се носел така што го ограничувал бројот на бродови за крстарење кои пристугнуваат во градското пристаниште, намалувајќи го бројот на штандови за сувенири, како и редукција на столици и маси пред рестораните за 20 посто.

Сепак, овој потег СиЕнЕн го оцени како прв во борбата против прекумерниот туризам, потсетувајќи дека Венеција забранила отворање на ресоторани за брза храна во 2017 година но дека жителите на градот тврдат дека истата таа забрана не се почитува.