ЌЕ СЕЦНАТ ЛИ ПАРИТЕ ЗА ГРЦИЈА: Еврогрупата не одобри исплата на последната транша
Објавено во: Финансии 25 Мај, 2018
Не е донесена одлука за исплата на последната транша од пакетот помош за Грција на синоќешната средба меѓу Министрите за финансии на земјите членки на Еврозоната.
По завршување на средбата претседателот на Еврогрупата, Марио Сентено кажал дека министрите не го одобриле ниту решението за ставање крај на програмата за помош на Грција, која според планот треба да заврши во август годинава.
Според кажаното овие одлуки ќе се разгледаат на следната средба на министрите за финансии од Еврозоната, предвидена за 21 јуни во Луксембург.
- Наш основен приоритет останува успешното излегување на Грција од програмата за макрофинансиска помош. Сите неопходни одлуки околу тоа ќе ги донесена на средбата во Лукселмбург во текот на јуни, рекол Сентено.