Ќе се направи супер анализа за македонското брашно кое е вратено од Косово
Објавено во: Економија 18 Мај, 2021
Засега македонското брашно не се извезува во соседно Косово. Македонското брашно за извоз во Косово ќе чека супер анализа.
Министерот за економија Крешник Бектеши изјави дека ќе ги почека резултатите од таканаречената супер анализа која треба да утврди дали брашното кое изминатиот месец е вратено ги исполнува условите од косовскиот правилник. Бектеши вели дека ќе комуницира со надлежните косовски министерства, а ако треба ќе се обрати и до Секретаријатот на ЦЕФТА. Косовските власти велат дека македонското брашно не ги исполнува стандардите односно не содржи доволно железо и фолна киселина. За месец дена се вратени 325 тони македонско брашно. Доколку овој проблем не се реши, мелничарите споменаа покачување на цената на брашното. Пред пандемијата на коронавирусот во Косово се извезувале повеќе од 8.000 тони брашно.