Ќе се бара одговорност за „северномакедонска“ кујна на саемот во Берлин
Објавено во: Економија 23 Јануари, 2020
Министерството за земјоделство, шумарство и водостопанство, отвора постапка со која ќе бара дали има одговорност кај лицата од министерството кои биле вклучени и задолжени за организацијата на саемот за храна и земјоделство „Зелена недела“ кој се одржува во Берлин. Ќе се утврдува дали има пропусти и кај нив поради тоа што на македонскиот штанд на саемот на рекламниот банер стоеше North Macedonian cuisine наместо Macedonian cuisine. На Саемот Македонија ја претставува фирмата Кадино, а таму на лице место се прават буреци, јадење кое се смета за традиционално во нашата земја. Банерот сега е сменет со нов.
„Веднаш по реакцијата од страна на МЗШВ до организаторот на саемот, е направен нов рекламен банер којшто е веќе поставен на македонскиот штанд на саемот. Имено, првичниот банер беше предлог на компанијата Кадино, којашто дизајнот го има препратено до организаторот на саемот. При тоа, направена е техничка грешка при преводот, за која што МЗШВ веднаш реагираше до организаторот, и во најбрз рок се подготви нов рекламен банер, стои во објавата од Министерството за земјоделство