Киро Здравев избран на местото на Зоран Караџовски
Објавено во: Македонија 25 Април, 2019
Киро Здравев е избран за нов претседател на Судскиот совет на местото на Зоран Караџовски, кому му истече досегашниот мандат. Новиот прв човек на ова правосудно тело беше изгласан со сите 12 гласови „за“ и ниту еден против. За негов заменик, според етничкиот консензус, е избран Селим Адеми.
Здравев е избран од в.д. претседателите на основните судови кои пак беа избрани неколку дена претходно. Во игра за наследник на Караџовски беше и името на Гордана Спиреска, но сепак не беше предложена.
Караџовски денеска го одржа и последниот говор пред членовите во кој кажал дека очекува неговиот наследник да има помалку турбулентно време, а присутен на седницата бил и претседателот на Врховен суд, Јово Вангеловски.
Мандатот на претседателот на судскиот совет, според новиот закон е 2 години.