Кирил Самарџиоски им ја подари Прилепска пиварница на децата, остана без ниту една акција

Добивај вести на Viber

Кирил Самарџиоски досегашниот мнозински сопственик и Претседател на одборот на директори на Прилепска Пиварница им го подари на своите деца уделот во докажаната компанија. Имено врз основа на договор за дар Кирил Самарџиоски им ги даде на акционерите Сашко Самарџиоски и Панде Самарџиоска своите 25.000 обични акции или по 12.500 акции на секое од неговите деца. Со дарот сега Сашко Самарџиоски и Панде Самарџиоска поседуваат по еднаков дел од компанијата. Двајцата имаат по 14.500 акции или по 36, 32 отсто од основната главнина на Прилепска пиварница АД Прилеп. 

„Прилепска пиварница А.Д. Прилеп ја известува јавноста дека на ден 29.06.2020 година врз основа на договор за дар извршен е упис во Централниот депозитар за хартии од вредност на нетрговски пренос на хартии од вредност (обични акции) со што акционерите Сашко Самарџиоски и Панде Самарџиоска се стекнаа со по 12.500 обични акции со право на глас.

Сашко Самарџиоски е член на Управен одбор и Генерален директор на Прилепска пиварница, а неговата сестра Панде Самарџиоска е член на Управен одбор и Заменик Генерален директор на Прилепска пиварница.

Членот на Управен одбор и Претседател на одборот, Кирил Самарџиоски кој до 29.06.2020 година поседуваше 25.000 обични акции со право на глас, по спроведениот договор за дар повеќе не поседува акции во Прилепска пиварница А.Д. Прилеп.