16 Јануари, 2021
0.0190

Кирил Лазаров: Во иднина да се проектира и автопатско решение кон Бугарија

Објавено во: Економија 28 Ноември, 2020

Претседателот на Македонско-Бугарската стопанска комора Кирил Лазаров ја поздрави владината најава дека во 2021 год ќе вложи 50 милиони евра за патно поврзување со Бугарија, а дополнително на тоа побара и автопатско решение во иднина за да се развијат целосно економските однсои со источниот сосед.

-Станува збор за многу поголема композиција на инвестиции од 50 милиони евра во наредните години, станува збор за геостратешко инфраструктурно, економско и енергетско поврзување преку коридорот 8. Во поширока слика поврзување на пристаништата на Црно Море со пристаништата на Јадранско море. Поврзувањето ќе биде со инвестиции во автопатни или експресни патишта и железници, со што според некои економски меѓународни проценки е дека бруто инвестициите во Албанија, Македонија и Бугарија ќе пораснат за над 35%.

Затоа е клучно да се забрзаат инфраструктурните проекти како железницата према Бугарија, експресниот пат од Куманово, односно Крива Паланка, Ранковце па до граничен премин Деве Баир, и проектирање на нов приклучок од Струмица кон граничен премин Ново Село, магистрала која ќе биде премногу важна на пример Скопје – Штип – Радовиш – Струмица и излез кон Ново Село, ќе ги спои коридорот 10 со коридорот 8 во тој правец. Ние како комора сугерираме во иднина да се проектира и автопатско решение кон Бугарија и секако кон Албанија за да има смисла коридорот 8 во целина, вели бизнисменот во денешното интервју за „Локално“.

Лазаров смета дека постојат тенденции на ризици ако во наредните месеци не го решиме спорот со Бугарија и дека политичката атмосфера ќе се одрази и кон економијата, но дека сега е уште рано за било какви сериозни анализи.

- Економската стагнација заради пандемијата е разорна и таа во целина ги менува бројките и не може со прецизност да ги утврдиме последиците и од политичките контексти, но на почетокот на 2020 година ние имавме одлични резултати во однос на стопанската и економската размена со Бугарија и бројките беа поголеми за 20% од претходната година. Трговската размена беше на солидно ниво, додава тој.

Според Лазаров, Владата не го откажала инвестирањето во нуклеарната централа Белане, туку го пренасочила заради проценката во приоритетот, а тоа е што побрз пристап кон економичен и безбеден енергенс. 

- Изградбата на нуклеарната централа Белане ќе трае прилично долго заради спецификите на самата градба, можеби и десетина години. Приоритет на Владата е стратешко гасно поврзување со Грција кое ќе се случи прилично динамично во однос на роковите, вели Лазаров.

Комората која ја предводи Лазаров инсистира на што побрзо решавање на отворените политички и историски дилеми и кон соседите и внатре во државата, бидејќи економските последици може да го поттикнат населението на трајно иселување.

Можеби ќе ве интересира

РАБОТЕЛЕ ЗА ПЛАТА ОД 2 ДЕНАРИ: Чевларска компанија од Штип толку плата им исплатила на работниците за септември

РАБОТЕЛЕ ЗА ПЛАТА ОД 2 ДЕНАРИ: Чевларска компанија од Штип толку плата им исплатила на работниците за септември

ИНТЕРВЈУ ХАЏИДИНЕВ: Никогаш досега не сме билe постабилни и со поголем потенцијал

ИНТЕРВЈУ ХАЏИДИНЕВ: Никогаш досега не сме билe постабилни и со поголем потенцијал

Пејпер Мил: Одлуката за прекин на работењето не беше лесна - за пет години инвестиравме 7 милиони евра во технологија, вработувања и развој на бизнисот

Пејпер Мил: Одлуката за прекин на работењето не беше лесна - за пет години инвестиравме 7 милиони евра во технологија, вработувања и развој на бизнисот

Енергетска заедница: „Договорот помеѓу Макпетрол АД Скопје и Северна Македонија се приближува до целосна имплементација“

Енергетска заедница: „Договорот помеѓу Макпетрол АД Скопје и Северна Македонија се приближува до целосна имплементација“

Бил Гејтс купил земјиште во 18 американски држави

Бил Гејтс купил земјиште во 18 американски држави

МИНИСТЕРСТВОТО ЗА ЕКОНОМИЈА ЌЕ ГО ПОВЛЕЧЕ ЗАКОНОТ ЗА МИНЕРАЛНИ СУРОВИНИ - тој ќе се доработува

МИНИСТЕРСТВОТО ЗА ЕКОНОМИЈА ЌЕ ГО ПОВЛЕЧЕ ЗАКОНОТ ЗА МИНЕРАЛНИ СУРОВИНИ - тој ќе се доработува

Врнежите направија застој во Суводол: РЕК Битола работи со еден блок, надлежните тврдат дека системот е стабилен

Врнежите направија застој во Суводол: РЕК Битола работи со еден блок, надлежните тврдат дека системот е стабилен

Фатмир Битиќи: Физибилити студија и за Македонски железници - Транспорт и ТЕЦ Осломеј

Фатмир Битиќи: Физибилити студија и за Македонски железници - Транспорт и ТЕЦ Осломеј

То Вима: Извонредна енергетска соработка помеѓу Атина и Скопје

То Вима: Извонредна енергетска соработка помеѓу Атина и Скопје