Кежаровски: Дојдете Груевски да се видиме и да се изнаприкажеме како беше во Ваше време

Добивај вести на Viber

Новинарот Томислав Кежаровски, кој во време на владеењето на Никола Груевски помина во притвор во затворот во Шутка речиси две години, и целиот хорор што таму го доживеа го опшша во книгата „Живот во кутија“, го повикува екс премиерот Груевски и сегашен азилатнт во Унгарија, да присуствува на промоцијата на неговата книга во Германија, што треба да се одржи кон крајот на февруари годинава. 

„Кога веќе не ја прифативте мојата покана да ми бидете гостин на промоцијата на англиската верзија на мојата книга ‚Живот во кутија', што ја направив среде Будимпешта, тогаш почестете ме со Ваше прусуство на мојот настап во Германија, кон крајот на февруари годинава“, пишува Кежаровски.

Му вели на Груевски дека ќе можат да зборуваат за многу работи.

„Дојдете господине Груевски, ќе се изнаприкажеме за се од ред за Македонија... Ќе зборуваме за владеењето на правото, за слободата на говор, за политиката воопшто. За тоа како беше во Ваше време, како е сега, и како треба да биде. Еве шанса да ги судриме аргументите. Моите наспрема Вашите, или Вашите наспрема моите, сеедно како сакате. Патем, Ве уверувам - ќе Ве запознаам со многу фини луѓе, големи авторитети... Веројатно нема и сега да ме одбиете...“, му напиша Кежаровски на Груевски. 

Кежаровски своевремено беше осуден на четири и пол годишна затворска казна, за наводно оддавање идентитет на заштитен сведок. За ослободување на Кежаровски од притвор, но и на преиспитување на пресудата, повикаа повеќе домашни и странски невладини организации.