ЈСП по само неколку дена се предомисли: Укинат бесплатниот превоз за пензионерите
Објавено во: Економија 01 Јуни, 2020
ЈСП Скопје по само неколку дена откако го вратија бесплатниот автобуски превоз за пензионерите, се предомисли и повторно е укината одлуката, по низата на дневни зголемувања на бројките на заболени од коронавирусот и реакциите во јавноста.
Со тоа, бесплатни денови за користење на јавниот сообраќаен превоз за пензионерите беа само петокот, саботата и неделата, односно вчерашниот ден, што значи дека утре нема да важи оваа привилегија за старите лица.
„ЈСП Скопје информира дека од утре, вторник (2.06.2020 год) нема да важи бесплатното користење на јавниот превоз за возрасни лица (жени со/над 62 год, мажи со/над 64 год) во вторник, петок, сабота и недела. ЈСП апелира на рационално користење на превозот и на задолжително носење на заштитна опрема согласно уредбите за заштита од Ковид 19“, се вели во соопштението на градското претпријатие.