Јанкулоска нема во план да бега како Груевски
Објавено во: Македонија 14 Ноември, 2018
Сопартијците кои некогаш му беа најблиски го осудија бегањето на екс лидерот на ВМРО ДПМНЕ Никола Груевски .
По првите коментари од Миле Јанакиески кој од утринава е во притвор и поранешната министерка за внатрешни работи Гордана Јанкулоска го осудила пребегувањето на Груевски во Унгарија.
Таа за ТВ21 рекла дека се наоѓа во земјава и дека ниту на крај памет не и паѓало да бега.
„Се наоѓам во Македонија и на крај памет не ми паднало да заминам било каде“, кажала Јанкулоска која потенцирала дека ќе продолжи да присуствува на судските рочишта.