Јанева: Не сум виновна, грубо сум изманипулирана
Објавено во: Македонија 02 Јуни, 2020
Грубо сум изманипулирана, изјави екс специјалната јавна обвинителка, Катица Јанева денеска на суд.
Таа тврди дека е невина. Јанева го критикуваше судот што воопшто прифатил сопружниците Камчеви да сведочат во процесот, затоа што според неа немаат никаков кредибилитет. Јанева вели дека се докажало дека Камчев сам се нудел да соработува и не успеал во планот да ја „купи“ нешто што му успеало кај многумина други.
„Девет месеци сум во притвор заради Орце Камчев. За недокажани пари. Ако беше шеќер на сликата ќе беше ли тоа кокаин?“ – праша Јанева.
За обвинителниот акт вели дека се темели на изјави, а не на докази.
За обвинителката Вилма Русковска рече дека и била љубоморна.
Пресудата за случајот „Рекет“ ќе биде соопштена на 18 јуни.