Јанева излегува, Боки 13 влегува во болница
Објавено во: Македонија 14 Октомври, 2019
Катица Јанева, третообвинетата во случајот „Рекет“ после 15 часот ќе биде пуштена од болницата „Жан Митрев“ и повторно ќе биде вратена во притворското одделение во истражниот затвор во Шутка, потврди нејзината адвокатка Ирена Фрчкоска.
Апелациониот суд денеска донесе одлука Кривичниот суд повторно да решава дали поранешната специјална обвинителка ќе биде пуштена од притвор со гаранцијата од недвижност во три стана, бидејќи нејзиното барање не било прописно разгледано.
Во меѓувреме првообвинетиот Бојан Јовановски повторно е хоспитализиран и бил итно однесен во градската болница „8 – ми Септември“ со жалење дека повторно имал проблем со желудникот. Неговиот адвокат и натаму бара укинување на мерката притвор за Боки 13, поради како што велат од таму, неговото нарушено здравје.