19 Мај, 2021
0.0224

JA ПРОМОВИРА МАКЕДОНИЈА: Идната година ќе донесе десетина тури полски туристи

Објавено во: Македонија 01 Ноември, 2019

Во текот на 2016 година како студент престојувала во Скопје 6 месеци, во 2015 година се вратила пак во нашата земја на два дена на пат за Албанија, а денес има блог преку кој ја промовира Македонија како туристичка дестинација, и веќе носи тури со туристи.

Јустина Млецзак од Полска  вели дека веќе не брои колку пати била во нашата земја, па дури и го изучува македонскиот јазик. Сака да ја промовира Македонија за Полјаците, а со тоа и да донесе што повеќе гости.

„Многу сум возбудена, идната година во Македонија ќе донесам 7 тури со туристи, а може да бидат и повеќе од 10“, вели таа.

Почнала да објавува содржини за Македонија на блог, со цел да го задржи вниманието на луѓето, но бидејќи организирала туристички тури за Албанија, почнала да носи гости и во Охрид. Вели дека со текот на времето, нејзиниот блог созреал и станал богат со содржини.

„Наоѓам текстови, а со малку повеќе напори, доловувам некои локални перспективи, лични приказни, за да ги натерам моите читатели да размислуваат и да ги охрабрам да истражуваат. Целта ми е да им покажам на полските агенции дека Македонија  не е само Скопје и Охрид, туку многу повеќе. Моја понатамошна цел e да ги доведам учениците и студентите и да им покажам дека има различни погледи, култури и начин на живеење кој не е застрашувачки, но е фасцинантен. Ние го знаеме Балканот како буре барут. Погрешно!“, раскажува водичот.

Македонија е богатство за сите, додава таа.  Млецзак вели дека оној кој сака да ги задоволи своите сетила за вкус и мирис, треба да учествува во кулинарска или винска турнеја. Треба да се видат и џамиите, црквите, манастирите, кањонот Матка.

„Но, секогаш велам дека кога сте во Македонија, не треба да ја пропуштите можноста да се сретнете со локалното население. Одвојте време, пијте кафе и дозволете си да дишете“, вели таа.

Ги сака македонските јадења, ајвар со сирење, пиперки на многу начини, бурек со спанаќ и јогурт,  а  кога ќе дојде во земјава вели дека се чувствува како дома.

За неа Македонија е земја на насмеани луѓе и така би ја опишала во една реченица. 

Сања Атанасовска

Можеби ќе ве интересира

Заев од Брисел: Го очекуваме тоа што ни е ветено

Заев од Брисел: Го очекуваме тоа што ни е ветено

ФАКТОР НА ДЕНОТ: Македонија протерува руски дипломат, во меѓувреме се појавија нови снимки од конгресот на СДСМ

ФАКТОР НА ДЕНОТ: Македонија протерува руски дипломат, во меѓувреме се појавија нови снимки од конгресот на СДСМ

Државниот пазарен инспекторат има нов директор

Државниот пазарен инспекторат има нов директор

До 1-ви јуни останува на сила полицискиот час

До 1-ви јуни останува на сила полицискиот час

Ќе има јавна дебата за Законот за дивоградби

Ќе има јавна дебата за Законот за дивоградби

Вчера имало две групни тепачки во Скопје

Вчера имало две групни тепачки во Скопје

Грција и Бугарија имаат најголем интерес нашата европска приказна да успее, вели Димитров

Грција и Бугарија имаат најголем интерес нашата европска приказна да успее, вели Димитров

Заев повторно патува во Брисел - со кого ќе се сретне?

Заев повторно патува во Брисел - со кого ќе се сретне?

Зошто Пендаровски се вакцинираше во Куманово?

Зошто Пендаровски се вакцинираше во Куманово?