27 Септември, 2020
0.0291

Извиси ли ГА-МА?

Објавено во: Економија 21 Јануари, 2020

Каде е закочена потпишувањето на спогодбатата меѓу „Макпетрол“ и Владата за откуп на акциите во ГА-МА? Зошто процесот не се помести и покрај тоа што двете страни успешно ја завршија медијацијата за што веќе беше известено. Како Владата ќе го затвора ова прашање и чуму ги префрли тие 32 милиони евра од буџетот за лани на сметка на претпријатието Национални енергетски ресурси (НЕР), пари со кои треба да му се плати акцијата во ГА-МА на „Макпетрол“. Ова се само дел од прашањата за кои одговор очекуваат и од „Макпетрол“. Оттаму за Фактор велат дека многу е важно што медијацијата за спорот завршила успешно и дека тие го завршиле својот дел од работата, но дека на потег е Владата. Тврдат дека тие се подготвени веднаш да потпишат.

„Медијацијата е успешно завршена. Спорот е решен во присуство на Владата. Ние како „Макпетрол“ ги донесовме сите соодветни одлуки и сме подготвени да пристапиме кон потпишување на спогодбата со што ќе се реши прашањето со ГА-МА. Со тоа во целост ќе постапиме согласно закон и препораките од Третиот енергетски пакет, одговараат од „Макпетрол“.

Регулирањето на сопственичките односи во ГА-МА всушност целосно е во согласност со Законот за енергетика и Третиот енергетски пакет кој впрочем беше инкорпориран во Законот, а усогласен како обврска од Енергетската заедница. Двете страни претходно и побараа медијацијата да биде во Центарот за решавање спорови во Енергетската заедница, но сега поради непотпишувањето на спогодбата роковите газат. Впрочем тие веќе се и пробиени, за што можно е државата да плаќа и пенали. Зошто се чека, Фактор вчера достави прашања и до Владата, но и во Министерството за економија, а до објавата на текстот одговори не добивме.

Според наши информации првичната идеја била за потпишувањето на спогодбта да се донесе само владина одлука, потоа тоа се променило да се во барање за донесување на Закон и сега не се знае што е последно. Но кога ќе се одблокира процесот и зошто се кочи нема одговор. Дополнително работите се проблематизираат поради фактот дека сега функционира техничката Влада, каде што се променети премиерот и вицепремиерот за економски прашања кои беа директно вклучени во преговорите, а Парламентот ќе работи само до 11 февруари. Што значи дека, доколку Владата сеуште го застапува правецот за донесување на Закон или склучувањето на спогодбата да оди преку Собранието, невозможно е потпишувањето на спогодбата да се случи пред предвремените парламентарни избори.

Владата пред крајот на годината му ги префрли парите за трансакцијата за откуп на акциите во ГА-МА на НЕР, а министерката за финансии дури се пофали дека тоа допринело реализацијата на капиталните инвестиции во Владата да е околу 99 отсто.

Но, тоа впрочем воопшто не ја заврши работата.

А.Т.


Можеби ќе ве интересира

Третина од антикризниот пакет е од буџетот: Македонија ќе позајмува пари

Третина од антикризниот пакет е од буџетот: Македонија ќе позајмува пари

Државата ќе дава и до 21.776 денари по вработен во фирмите: Помош за октомври, ноември и декември

Државата ќе дава и до 21.776 денари по вработен во фирмите: Помош за октомври, ноември и декември

Усвоено: 6.000 денари на картички добиваат пензионери, невработени, студенти - вкупно 280.000 луѓе

Усвоено: 6.000 денари на картички добиваат пензионери, невработени, студенти - вкупно 280.000 луѓе

ВО ЖИВО: Заев ќе ги презентира новите антикризни мерки

ВО ЖИВО: Заев ќе ги презентира новите антикризни мерки

Бесими за етничките вработувања: И во Гугл главниот извршен директор е од Индија

Бесими за етничките вработувања: И во Гугл главниот извршен директор е од Индија

Заев со математика: Евтината тарифа ја поевтини струјата за 300, со последното поскапување се зголеми за 100 денари, заштедата е 200

Заев со математика: Евтината тарифа ја поевтини струјата за 300, со последното поскапување се зголеми за 100 денари, заштедата е 200

Државата ќе ви го врати сиот платен данок: Од 10 до 12 октомври - викенд без ДДВ

Државата ќе ви го врати сиот платен данок: Од 10 до 12 октомври - викенд без ДДВ

Се намалува персоналниот данок во ИКТ, трошоците за тим билдинг ќе бидат даночно признат расход

Се намалува персоналниот данок во ИКТ, трошоците за тим билдинг ќе бидат даночно признат расход

Картички за невработени, субвенции за фирмите: Денеска четвртиот пакет антикризни мерки

Картички за невработени, субвенции за фирмите: Денеска четвртиот пакет антикризни мерки