Израел прогласи победа над коронавирусот, но лекарите се плашат од новите соеви

Добивај вести на Viber

Израел прогласи победа над коронавирусот. Но, маските ќе мора да се носат уште некое време. 

Израелскиот премиер Бенјамин Нетанјаху за „Фокс њуз“ изјави дека Израел е првата земја во светот што излезе од пандемијата на коронавирусот, благодарение на брзата и ефикасна кампања за имунизација.  Нетанјаху кажа дека со „зелениот пасош“ веќе ќе може да се оди во ресторани, театри и на спортски настани. 

„Од денеска земјата ќе биде позната и како земја на вакцинацијата. Ние му даваме пример на светот, ние сме многу горди на тоа“, кажа израелскиот премиер.

Здравствените власти предупредуваат дека новите видови на коронавирус можат да ги нарушат плановите за брзо враќање во нормалниот живот. Првата доза на вакцината на „Фајзер“/„БиоНТек“ ја примија повеќе од половината од вкупното население од 9,3 милиони жители, а речиси 40 проценти од нив ја примија и втората доза, повеќе отколку во која било друга земја во светот. Нетанјаху најави дека до 5 април економијата во во целост ќе се врати на вистинскиот колосек. Претходно, и Нов Зеланд прогласуваше победа над коронавирусот. 

Израелскиот премиер, Бенјамин Нетанјаху денеска објави дека Израел, Австрија и Данска ќе формираат заедничка фондација за истражување, развој и евентуално производство на вакцини против ковид-19.