ИЗМЕНИТЕ ПОМИНАА ВО СОБРАНИЕ: Има 16 услови врз основа на кои луѓето ќе можат да добијат државјанство
Објавено во: Македонија 29 Јули, 2021
Пратениците денеска го усвоија Законот за државјанство.
Со измените се предвидени 16 услови со кои луѓе кои до прогласувањето на независноста живееле во Македонија можат да се стекнат со државјанство. Законот се донесе со европско знаменце по скратена постапка откако претходно партијата Левица го блокираше со повеќе од 1.000 амандмани.
Во расправата по предлог-измените и дополнувањето на Законот, пратеникот од пратеничката група на ВМРО-ДПМНЕ, Бојан Стојановски изјави дека на ова прашање не треба да се гледа како проблематика која ја опфаќа етничката припадност, туку треба да се гледа правно.
Со измените на законот треба да се реши статусот на луѓето од поранешните југословенски републики кои до денот на прогласување на независноста живееле во земјава. Тие ќе треба да добијат државјанство во рок од три години по стапувањето во сила на Законот.
Од Левица претходно реагираа за законот и тврдеа дека тој ќе предизвика големи штети на демографската структура на земјава.