Изјавите на Заев нема да им ги врзат рацете на историчарите, вели Ѓоргиев
Објавено во: Македонија 30 Ноември, 2020
Драги Ѓоргиев, предводникот на македонските историчари во мешовитата комисија со Бугарија, вели дека позициите на премиерот Зоран Заев нема да им наштетат и дека историските факти се над индивидуалните ставови на политичарите.
„Ставовите на премиерот нема да ни ги врзат рацете и да не стават во подредена положба“, изјави тој за телевизија Алфа.
Евроинтеграциите на македонската нација не смее да се условуваат со ултимативно прифаќање на „историски вистини“ од други национални историографии.Историјата и нејзината интерпретација не смее да се доведуваат во врска со потребите на политиката, ниту на било каков начин да се условени од политичките влијанија, што е во целосна спротивност со европските демократски принципи, реагираат од Институтот за национална историја.
Со денови има реакции за интервјуто кое премиерот Зоран Заев минатата недела го даде за БГНЕС. Реакции има во земјава, но и во регионот.