ИЗГЛЕДА НЕМА НИШТО ОД ИМУНТЕТОТ НА СТАДО - тешко дека вирусот ќе биде искоренет наскоро
Објавено во: Свет 11 Јули, 2020
Една шпанска студија заклучила дека само 5,2 отсто од светската популација дошла во контакт со вирусот корона, заклучувајќи дека имунитетот на стадо е недостижен од оваа перспектива.
А претставникот на Светската здравствена организација, Мајк Рајан вчера изјави дека е малку веројатно дека вирусот ќе биде искоренет наскоро.
„Во моментов, малку е веројатно дека вирусот ќе биде елиминиран. Постојат многу посебни опкружувања во кои тоа би можело да се случи, како што се островските држави, но дури и тие ризикуваат повторно да го увезат вирусот“, изјави Рајан пред новинарите во Женева.
Тој потсети на примерот на Данска, која речиси го искорени вирусот, но повторно дојде од странство.
„Значи, секогаш постои ризик“, рече Рајан, пренесува Ројтерс.
СЗО порано соопшти денеска дека нејзините експерти отпатувале во Кина за да организираат истрага за потеклото на новиот вирус корона што ја предизвика глобалната пандемија.
Двајца научници на СЗО ќе работат со нивните кинески колеги за да се утврди обемот и насоката на истрагата, рече портпаролката на СЗО, Маргарет Харис претходно на брифинг за новинари.