Иран ги опомена Берлин, Лондон и Париз
Објавено во: Свет 15 Јануари, 2020
Иран предупреди на последиците од одлуката на ЕУ.
Иранските власти ги предупредија Берлин, Лондон и Париз за последиците од нивната одлука да го активираат механизмот против Иран, поради непочитување на меѓународниот договор за нуклеарната програма.
Трите европски држави кои потпишаа меѓународен договор за иранската нуклеарна програма, Франција, Велика Британија и Германија, го активираа механизмот за решавање на спорот предвиден со договорот, со цел да го принудат Техеран да се врати кон почитување на своите обврски, соопштија шефовите на дипломатиите на трите земји.
Покренувањето механизам за решавање спорови, со кој Париз неколку недели се заканува, ќе доведе до враќање на санкциите на ООН за Иран.
Откако САД се повлекоа од договорот во 2018 година, Иран започна да се оддалечува од договорот, надминувајќи ги дозволените граници на количината на збогатен ураниум и користејќи повеќе центрифуги од дозволеното.