Инциденти во Штип и Валандово при фрлање на крстот
Објавено во: Македонија 19 Јануари, 2020
Во Штип имаше инцидент на церемонијата на фаќање на светиот крст.
Повеќето луѓе кои се фрлаа во водите на реката Брегалница, буквално се бореа кој да го земе крстот.
На крајот светиот крст му припадна на Наумче Балевски, кој беше најбрз.
„Бидејќи настана еден немил настан, предложивме се додека се смират луѓето, крстот да остане во црквата оваа година, а догодина ако се средат работите како и годините наназад, повторно ќе биде носен крстот низ градот. Биедејќи крстот ќе биде во цркавата ќе можат сите верници да дојдат да се поклонат и да го целиват крстот во соборната црква Св. Никола“- изјави Г. Иларион, митрополит Брегалнички.
Еден час порано свет крст во водите на Брегалница се фрлаше и во штипско Ново село. Таму најуспешен беше 29 годишниот Антонио Станков.
Инцидент имаше и во Валандово, каде свештените лица мораа да ги опоменат верниците за нивното недолично однесување, односно скокале и луѓе кои не биле пријавени, поради што крстот се фрлаше три пати.Во другите градови, фрлањето на крстот помина во најдобар ред, а политичарите испратија пораки за љубов, и сплотеност.
Денеска е Богојавление (Водици).
Овој празник е еден од најголемите христијански празници.