Илија Димовски: Новата минимална плата затвори две текстилни и две чевларски компании
Објавено во: Економија 27 Февруари, 2020
Пратеникот Илија Димовски во синоќешното гостување во емисијата „Економски Магазин“ на ТВ Алсат рече дека менаџирањето со минималната плата на актуелната власт довело до затворање на текстилниот погон на „Тетекс“ и на уште три други компании.
„За два месеци имаме затворање на една текстилна компанија во Тетово, една текстилна компанија во Велес и две чевларски во Куманово. Тука има над 500 луѓе кои што останаа без работа“, рече пратеникот на ВМРО-ДПМНЕ.
Димовски додаде дека споредени на првите три години од минатото владеење на ВМРО-ДПМНЕ со она на СДСМ од 2006 до 2009 платата растела со стапка од 7,6, 7,9 и 5,9 отсто секоја година одделно.
Тој рече дека најалармантно во делот кај вработувањата е тоа што се намалува бројот на вработувањата во индустријата. Коментираше дека и „екскурзијата“ со воведувањето на прогресивниот данок направила штета со многу помал данок на добивка, кој од проектиран 249 милиони бил реализиран само во висина од 188 милиони евра во 2019..