И портпаролката на СДСМ отиде во самоизолација
Објавено во: Македонија 02 Јуни, 2020
Богданка Кузеска, портпаролката на СДСМ, објави дека од денеска ќе биде во самоизолација поради тоа што имала контакт со директорката на УЈП, Сања Лукаревска, која пак веќе соопшти дека е позитивна на Ковид-19.
Гласноговорникот на владеачката партија се одлучила на ваков чекор на препорака на епидемиолозите, објави таа го објави на социјалните мрежи.
„По насоки и препорака на епидемиолозите, во наредниот период ќе бидам во самоизолација, поради кратка средба што ја имав со мојата пријателка Сања Лукаревска. Немам никакви симптоми, се чувствувам одлично, а ќе се тестирам во текот на утрешниот ден.
На мојата драга пријателка Сања, на другарот Мухамед Зекири и неговото семејство и на сите граѓани кои се позитивни на Ковид-19 и се во самоизолација, им посакувам брзо оздравување и добро здравје.“, напиша Кузеска.
Претходно и советникот за економија на премиерот, Фатмир Битиќи, објави дека е во самоизолација поради средбата која ја имал минатата недела со Лукаревска, а најави и тестирање.