И новиот комесар за европроширување сака ЕУ да ја исправи грешката
Објавено во: Македонија 09 Декември, 2019
Новиот еврокомесар за проширување и добрососедство на ЕУ, Оливер Вархејл и македонскиот министер за надворешни работи Никола Димитров, на средбата остварена во Брисел, се согласиле дека е време да се донесе одлука за почеток на преговорите во ЕУ, со која грешката од октомври на Европскиот совет ќе се претвори во заеднички успех. Комесарот за проширување очекува одлуката за добивање датум за Северна Македонија и Албанија да се донесе на пролет.
„Дебатата беше многу охрабрувачка, се чини како да сме подготвени да продолжиме напред и да ја исправиме грешката од октомври и треба да ги почнеме преговорите со Албанија и РСМ следната пролет“, истакна Оливер Вархеји, Комесар за проширување и добрососедство.
Во врска со новата методологија, Димитров рече дека се што ќе биде во интерес и за доброто на земјата ќе биде прифатено и од РСМ.
„Не чека уште многу работа, немаше одлука во октомври и ни беше кажано дека во јуни ќе има, затоа треба да го поправиме тоа. Мислам дека нема друга алтернатива за земјите од Западен Балкан освен интеграција во ЕУ. Ние нема да играме улога на жртва и да обвинуваме некого. Ќе продолжиме со добри вести и добри односи со соседите и ќе направиме да биде невозможно за сите земји членки на ЕУ повторно да и кажат НЕ на Северна Македонија“, изјави министерот Димитров.