20 Јуни, 2019
0.0465

И не е сѐ така црно

Објавено во: Економија 23 Мај, 2019

Последниов период стана ритуал во сите настапи, излагања да ги споменуваме ПИСА тестирањата и слабите резултати на нашите ученици. Тоа стана репер за сите состојби во образованието. Но, сепак слабите резултати на ПИСА тестирањето не значи дека сите наши ученици немаат добри резултати. Никој, во ниту еден контекст, не ги споменува нашите ученици кои победуваат, не само на државни, туку и на меѓународни натпревари. Никој не споменува дека наши студенти по четврти пат беа дел од глобалниот натпревар на НАСА, каде понудија решенија за некои од глобалните проблеми со кои се соочува Земјата и вселената. Никој не го го споменува неодамна одржаниот натпревар „Лидер на струка“на кој беа промовирани седумте најдобри ученици од средните стручни училишта во земјава, во седум сектори на квалификации. Можност за реалниот сектор да го вработи најдобриот креативен ученик кој би се надградувал во неговата компанија. Никој не го споменува првиот државен натпревар “Прва лего лига“ - над 100 деца се натпреваруваат со свои иновативни научно-технолошки решенија, што е добар показател дека нашите ученици се креативни и наставниците работат со нив.

Ниту учеството на меѓународните натпревари не е за потценување. Учениците од СОУ ,,Наум Наумовски Борче” од Крушево, годинава го освоија првото место на меѓународниот натпревар за гастрономија во Брач, Хрватска. Учениците од СУУГ ,,Лазар Танев” од Скопје, на интернационалниот гастрономски натпревар што се одржа во Штип, го освоија првото место за угостителско послужување ,,куќен сервис”, додека во Подгорица, Црна Гора, на натпреварот ,,Туристичка Пјаца” го освоија второто место за најдобра презентација на својата земја.

Минатата година, на 50 тата Меѓународна олимпијада по хемија, која се одржа во Братислава и во Прага, наши средношколци од гимназијата „Раде Јовчевски-Корчагин“ и од приватното училиште „Јахја Кемал“ од Струга освоија бронзени медали, во конкуренција од 300 натпреварувачи од 76 земји од светот, како и учениците - информатичари на 11-тата Јуниорска балканска олимпијада по информатика, во Софија.

Бронзен медал за Македонија освои и средошколец од приватна гимназија „Јахја Кемал“ од Бутел на Европската олимпијада по физика која се одржа во Москва и на 49-тата Меѓународна олимпијада во Лисабон. Златен, сребрен и бронзен медал освоија македонски млади балерини од ДМБУЦ „Илија Николовски Луј“ на традициониот меѓународeн балетски натпревар во Сараево.

Слични успеси бележиме и во високото образование. Тимот Space Divers, составен од студенти на Факултетот за електротехника и информациски технологии, годинава, победи на балканскиот инженерски натпревар EBEC (European Best Engineering Competition) во категоријата Case Study (интензивна анализа која дава конкретно решение на некој технолошки или менаџерски проблем), со што ги отвори вратите за учество на европска финална рунда во Торино, Италија, која ќе се одржи во текот на летово. И вакви успешни приказни има многу, но никој не зборува за нив.

Значи, и не е се така црно во образованието. ПИСА резултатите само ни посочува од каде треба да почнеме кога зборуваме за квалитетно образование, имајќи на ум, дека има повеќе фактори кои влијаат сами за себе.

Реформи мора да има, но проблемите треба да се решаваат дел по дел, од темелот нагоре. Од предучилишното и основното образование, но со сериозни зафати, без импровизации, зафати кои можеби ќе бидат болни, но мора да се почне. Државата го бара тоа, економијата го бара тоа. Од образованието зависи и просперитетот на поединецот и иднината на државата.


Наташа Јаневска, самостоен советник 
во Стопанската комора на Македонија

Можеби ќе ве интересира

Борба на титаните: кои се најплатените банкари во земјава?

Борба на титаните: кои се најплатените банкари во земјава?

Мила Царовска: За прв пат исплатени пензии без задолжување

Мила Царовска: За прв пат исплатени пензии без задолжување

Миќиќ Божиновска: Повратот на ДДВ е повеќе популистичка отколку мерка за враќање на парите

Миќиќ Божиновска: Повратот на ДДВ е повеќе популистичка отколку мерка за враќање на парите

Теменугов: Буџетот е растегнат како мрсулче

Теменугов: Буџетот е растегнат како мрсулче

ВМРО-ДПМНЕ: Главна цел на младите не е да собираат фискални, туку да соберат пари за да купат карта за заминување

ВМРО-ДПМНЕ: Главна цел на младите не е да собираат фискални, туку да соберат пари за да купат карта за заминување

Нова светска економска криза во 2020 година

Нова светска економска криза во 2020 година

Идната година ќе ги укинат квотите за странски работници

Идната година ќе ги укинат квотите за странски работници

МИСТЕРИЈА: Kaде е златото на СССР?

МИСТЕРИЈА: Kaде е златото на СССР?

Павле Гацов даде пример како да ви се врати максимално дозволениот износ на ДДВ од 28.000 денари годишно

Павле Гацов даде пример како да ви се врати максимално дозволениот износ на ДДВ од 28.000 денари годишно