07 Март, 2021
0.0243

И МИНИСТЕРКАТА ШЕКЕРИНСКА МУ ПИША НА БАЈДЕН - тој да биде „климатски претседател“

Објавено во: Македонија 24 Јануари, 2021

На покана на Центарот за американски прогрес (Center for American progress) и Мрежата за глобален прогрес (Global Progress Network ), министерката за одбрана Радмила Шекеринска го стави својот потпис на писмото за поддршка до американскиот претседател Џо Бајден, за нови политики во борбата со климатските промени.

„Таа борба е заедничка, а победата е важна за иднината на целиот свет. Заедно со бројни креатори на политики, влијателни личности и застапници за подобро  утре, апелиравме до претседателот  Бајден - време е да се избориме  за нашата планета“, објави министерката  Шекеринска.

Покрај министерката Шекеринска, писмото го потпишаа и основачот и сопственик на Амазон Џеф Безос, европарламентарците Кати Пири, Паскал Канфин, Мохамед Чахин, основачот на Центарот за американски прогрес Џон Подеста, бројни влијателни личности, глобални лидери, универзитетски професори, актуелни и поранешни политичари од целиот свет, новинари, актери и активисти.

Од Кабинетот н Шекеринска во целост го пренесуваат писмото. 

„Господине претседател, 

Честитки! Вашата инаугурација претставува пресвртница во историјата на Соединетите Американски Држави и на целиот свет. Задачата која Ви претстои е огромна: потребата од справување со разорните глобални здравствени и економски кризи, и потребата од обединување на Американците е неодложна. 

Паралелно со процесот на опоравување од Ковид и обновување на глобалната економија, мора да дејствуваме и на климатските промени. Всушност, ова не се одделни мисии, тие се дел од истата приказна. Ова е најпресудната деценија во историјата на човештвото за соочување со климатската криза. 

Може да бидете запаметени како „климатски претседател“ кој го спаси човештвото од работ на провалијата. Можете да ги трансформирате енергетските системи во светот од фосилни горива во чиста енергија, а истовремено да создадете изобилство на работни места, да го намалите штетното загадување и да се заложите за справување со економската, расната и здравствената нееднаквост во процесот. 

Одлуката да се биде смел лидер ќе ни овозможи да го реконструираме и изградиме новиот свет кој можеме да го создадеме заедно. Со повторно приклучување кон Парискиот договор на првиот ден, ги приближивте САД во вистинската насока. Но, како што и самиот наведовте, тоа едноставно не е доволно и ние мора „да сториме сè што можеме“. 

Како што славно изјавивте: „Кога ќе го слушнам зборот климатски промени, слушам отворање работни места“. Тука се сложуваме. Иако климатската криза наметнува неверојатни предизвици, таа исто така претставува најголема економска можност за иновации, создавање работни места, нови бизниси и инвестиции во нашите заедници. Тоа оди рака под рака со враќање на правдата и градење на правична, инклузивна и праведна иднина за сите. 

Вашата посветеност за реконструкција преку отворање на работни места во секторот чиста енергија и преку справување со наследената еколошката неправда е правецот на дејствување кој го очекува науката и нашата иднина. Ние ќе работиме заедно со вас во реализирање на овој амбициозен потфат. 

Нашите деца и внуци треба да знаат дека ова беше моментот кога се спаси светот“, се вели во писмото.

Можеби ќе ве интересира

Короната може да направи обилни крварења во стомакот, докторите да не ги потценуваат овие симптоми, бара лекарската комора

Короната може да направи обилни крварења во стомакот, докторите да не ги потценуваат овие симптоми, бара лекарската комора

(ФОТО) ВО ДВЕ ДРАМАТИЧНИ АКЦИИ - МВР пресече два меѓународни канали на дрога, запленени над половина тон марихуана

(ФОТО) ВО ДВЕ ДРАМАТИЧНИ АКЦИИ - МВР пресече два меѓународни канали на дрога, запленени над половина тон марихуана

Германската Vamed и француската Bouygues construction треба да дадат една понуда за изградба на новиот клинички центар - Филипче ја повика опозицијата да не блокира

Германската Vamed и француската Bouygues construction треба да дадат една понуда за изградба на новиот клинички центар - Филипче ја повика опозицијата да не блокира

НЕ МОЖАМ НИКАКО ДА СЕ ОПРЕДЕЛАМ, ОСВЕН КАКО МАКЕДОНЕЦ - Љубчо Георгиевски ова им го кажал и на Бугарите

НЕ МОЖАМ НИКАКО ДА СЕ ОПРЕДЕЛАМ, ОСВЕН КАКО МАКЕДОНЕЦ - Љубчо Георгиевски ова им го кажал и на Бугарите

Имаме речиси три пати повеќе активни случаи на коронавирусот од Хрватска

Имаме речиси три пати повеќе активни случаи на коронавирусот од Хрватска

АКО САКААТ НЕКА СИ СЕ ЗЕМАТ, НИЕ НА ТАКВА СВАДБА НЕ ОДИМЕ - ова е пораката од Горан Милевски, коалициониот партнер на Заев

АКО САКААТ НЕКА СИ СЕ ЗЕМАТ, НИЕ НА ТАКВА СВАДБА НЕ ОДИМЕ - ова е пораката од Горан Милевски, коалициониот партнер на Заев

Затворена чајџилница во Куманово, ќе биде поднесена кривична пријава

Затворена чајџилница во Куманово, ќе биде поднесена кривична пријава

ВИДНИ ВМРОВЦИ СО ПОДДРШКА ЗА ЛИДЕРОТ МИЦКОСКИ - му порачаа побрзо да закрепне и да не се предава

ВИДНИ ВМРОВЦИ СО ПОДДРШКА ЗА ЛИДЕРОТ МИЦКОСКИ - му порачаа побрзо да закрепне и да не се предава

БИЛ КРАТОК, НО ЈАК И ЗВУЧЕН - земјотрес вчеравечер кај Маврово

БИЛ КРАТОК, НО ЈАК И ЗВУЧЕН - земјотрес вчеравечер кај Маврово