28 Февруари, 2020
0.0285

И министерката Ангеловска анализира дали треба да се одложи даночењето на капиталните добивки

Објавено во: Финансии 03 Октомври, 2019

И Министерството за финасии прави дополнителни анализи за тоа дали треба да се одложи оданочувањето на капиталните добивки, кое според измените на Законот за личен доход, треба да стартува од први јануари следната година.

Од Министерството за финансии за Фактор изјавија дека ги разгледуваат сите околности и прават дополнителни анализи од областа на даноците.

Ги разгледуваме сите околности по однос на прашањето и во тек се и дополнителни анализи од областа на даноците. Благовремено ќе се произнесеме со повеќе информации согласно резултатите од анализите“, велат за Фактор од Министерството за финансии.

Вчера истата најава стигна и од вицепремиерот за економски прашања, Кочо Анѓушев, кој рече дека во Владата се размислува да се одложи одночувањето на капиталните добивки. 

Инаку, таа новина беше донесена со измени на Законот за личен доход уште лани кога беше воведен и прогресивниот данок. За тие даночни измени се залагаше поранешниот министер за финансии Драган Тевдовски, кој ги бранеше со тезата дека на таков начин се реалоцира богатството и се постигнува поголема еднаквост. 

Законот предвидува граѓаните да плаќаат данок и од 15 отсто за диведендите, данок за заштедите кои ги чуваат во банка, ако каматите годишно надминат 15 илјади денари, за  каматите од хартиите од вредност, и данок на каматите од заемите.

„Сакаме да го стимулираме пазарот на капитал, сакаме да го стимулираме развојот на берзата. Доколку тоа е една од мерките коишто треба да се направат за да биде тоа стимулирано, секако ќе разговараме и за таа опција“, рече вчера вицепремиерот Анѓушев. 

Комисијата за хартии од вредност веќе поднела иницијатива до Владата и министеството за финансии за измени и дополнувања на Законот за личен доход, каде бараат одложена примена.

А и брокерите од поодамна апелираат дека треба да се одложи данокот на капитрална добивка, со образложение дека тој негативно ќе се одрази врз пазарот на капитал.

Капиталните добивки се всушност разликата меѓу поскапо продадените и поевтино купените акции на берзата, и за играчите на пазарот на капитал тие се една од главните мотивации за тргување на Берзата. 


Можеби ќе ве интересира

Охридска банка ја одложи закажаната седница на Собранието на акционери

Охридска банка ја одложи закажаната седница на Собранието на акционери

Берзата во слободен пад: Некој се нервира, некој профитира

Берзата во слободен пад: Некој се нервира, некој профитира

ТЕТЕКС лани со одлична добивка од 552 илјади евра, пресудни се приходите од ТТК Банка

ТЕТЕКС лани со одлична добивка од 552 илјади евра, пресудни се приходите од ТТК Банка

КОЈ ЗДРАВСТВЕН РАБОТНИК ЛАПНА МЕСЕЧНА БРУТО ПЛАТА ОД 250 ИЛЈАДИ ЕВРА - УЈП пак не откри имиња

КОЈ ЗДРАВСТВЕН РАБОТНИК ЛАПНА МЕСЕЧНА БРУТО ПЛАТА ОД 250 ИЛЈАДИ ЕВРА - УЈП пак не откри имиња

Ја фаќа ли корона вирус и Македонската берза?

Ја фаќа ли корона вирус и Македонската берза?

(ВИДЕО) ПРОФИТАБИЛЕН БИЗНИС: Две земји во борба за „зеленото злато“

(ВИДЕО) ПРОФИТАБИЛЕН БИЗНИС: Две земји во борба за „зеленото злато“

КОРОНА УДРИ ПО АВИОБИЗНИСОТ - компаниите ќе изгубат 28 милијарди евра

КОРОНА УДРИ ПО АВИОБИЗНИСОТ - компаниите ќе изгубат 28 милијарди евра

На Заев му недостигаат уште 50 евра од ветената просечна плата, но имаше и пократок мандат

На Заев му недостигаат уште 50 евра од ветената просечна плата, но имаше и пократок мандат

Нашиот Фонд за иновации ќе се преслика во регионот

Нашиот Фонд за иновации ќе се преслика во регионот