И годинава без раат: Расте бројот на блокирани сметки
Објавено во: Финансии 14 Август, 2018
Точно 235.212 транскациски сметки биле блокирани на крајот на првиот квартал годинава. Народната банка ги објави последните тримесечни податоци кои покажуваат дека бројот на блокирани транскациски сметки расте и оваа година. Растечки тренд има и на месечно ниво, односно бројот на блокирани сметки се зголемува од месец во месец.
Според податоците, ако на крајот на март блокирани се 235.212 трансакциски сметки, на крајот на февруари банките блокирале 241.012 сметки, а на крајот на јануари блокирани се 233.017 сметки. Од нив повеќето се на физички лица, помалку на фирмите. Или на крајот на првото тримесечје бројот на блокирани сметки на граѓани е 191.546, додека под блокада биле сметките на 43.666 фирми.
Ако се анализира бројката само на блокирани депоненти, тогаш има регистриран пад во динамиката. Имено на крајот на март блокирани се 110.205 граѓани и фирми, додека на крајот на минатата година во декември биле блокирани 110.727 депоненти. Од сите тие кои биле блокирани на крајот на март, 81.553 се блокирани граѓани, а 28.652 се блокирани фирми. Депонентите се лицата и компаниите на кои преку банка им се блокираат повеќе трансакциски сметки, оти на нивно име се води неисплатен долг.
Граѓаните должат по повеќе основи. Рати за кредити, за неплатени сметки. За доцнењето се покренува постапка за извршител.
А.Т.