ХЕЗБОЛАХ ДО ИЗРАЕЛЦИТЕ, „СМЕЈТЕ СЕ МАЛКУ, ЗОШТО ЌЕ ПЛАЧЕТЕ МНОГУ“: Непријателот не знае од каде ќе дојде нашиот одговор

Добивај вести на Viber

Генералниот секретар на Хезболах Хасан Насрала рече дека непријателот и оние кои стојат зад непријателот „го чекаат нашиот неизбежен одговор, кој не е дискутабилен, тоа е само прашање на време и метод“.

Вели дека конфликтот ја надминал фазата на поддршка и се претвори во поголем конфликт и дека одговорот на убиството на воениот командант Фуад Шукр е неминовен и ќе биде сериозен и намерен.

„Непријателот не знае од каде ќе дојде нашиот одговор, од северна или јужна Палестина, дали еден по друг или во исто време“, рече тој, додавајќи: „Бараме вистински одговор, а не формален.

Според него, „регионот се соочува со голем конфликт кој ќе има последици за иднината на непријателот што некои не ги разбираат“. „Се соочуваме со голем конфликт во кој работите отидоа подалеку од одмаздата за атентатот на Шукр во Бејрут и на шефот на Политичкото биро на Хамас, Исмаил Ханије, во Техеран“, додаде Насрала.

Тој објасни дека атентатот на Ханије во Техеран ја потврдува глупоста на непријателот кој мислел дека Иран ќе молчи за тоа што се случило и рече дека иранските власти чувствуваат дека се нарушени нивниот суверенитет, престиж, национална безбедност и чест.

Им се обрати на Израелците велејќи: „Смејте се малку зашто ќе плачете многу и не знаете во која фаза сте влегле. Ние од фронтот на отпорот преминавме во нова фаза која ќе зависи од реакцијата на непријателот, кој мора да чека одмазда за сите чесни луѓе на нацијата“.