ХАЛК ОСИГУРУВАЊЕ ГО ЗГОЛЕМИ КАПИТАЛОТ ЗА ТРИ МИЛИОНИ ЕВРА - друштвото сега има капитал од 15,5 милиони евра
Објавено во: Финансии 21 Октомври, 2021
Халк Осигурување го зголеми својот капитал за три милиони евра, така што тој сега изнесува 15,5 милиони евра, соопшти Централниот депозитар за хартрии од вредност.
„На ден 20.10.2021 согласно доставената документација од страна на ДРУШТВО ЗА ОСИГУРУВАЊЕ ХАЛК ОСИГУРУВАЊЕ АД СКОПЈЕ и Решението на Комисијата за хартии од вредност УП1 Број 10-142 од 29.09.2021 за давање одобрение за издавање долгорочни хартии од вредност по пат на приватна понуда ‒ седма емисија, извршено е зголемување на основната главнина на друштвото преку емисија на 300.000 обични акции со номинална вредност од 10 ЕУР за една акција. Основната главнина на друштвото по зголемувањето изнесува 15.500.000 ЕУР и се состои од 1.550.000 обични акции со номинална вредност од 10 ЕУР за една акција“, се вели во соопштението од Централниот депозитар.