14 Јули, 2020
0.0255

Гуварнерката до ММФ, СБ и ЕУ - на Балканот му требаат повеќе пари за да се справи со коронакризата

Објавено во: Финансии 16 Април, 2020

ММФ, Светска банка, Европската унија и другите меѓународни финансиски институци, треба да им дадат повеќе пари на земјите од регионов за подобро да се справат со кризата предизвикана од коронавирусот.

Ова на директорката на ММФ Кристалина Георгиева, но и на директорот на европскиот оддел на Фондот, им го порачала гувернерката на Народна банка, Анита Бежовска Ангеловска. 

„Гувернерката нагласи дека во услови на помалку развиени домашни финансиски пазари, економиите од нашиот регион имаат поизразена потреба од надворешно финансирање. Имајќи предвид дека корона-кризата доведе до затегнување на меѓународните приватни финансиски пазари, таа одделно се осврна и на потребата од поголема поддршка од ММФ и од другите меѓународни финансиски институции, како и на потребата од поддршка од европските институции“, стои во соопштението од НБМ.

Ова всушност гувернерката го кажала во рамки на Пролетните средби на ММФ и Светската банка коишто годинава се одвиваат електронски, при што се одржа состанок воден од директорката на ММФ, Кристилина Георгиева, на кој најновите проекции на ММФ беа презентирани од страна на директорот на Одделот за Европа, Пол Томсен. 

За дискутанти на состанокот беа поканети гувернерката на Народната банка, Анита Ангеловска-Бежоска и гувернерите на централните банки на Руската Федерација и Хрватска, Елвира Набиулина и Борис Вујчиќ.

Во дискусијата, акцент беше ставен на ефектите од пандемијата на ковид-19 врз европските економии, како и на економските политики коишто се спроведуваат и на клучните предизвици што произлегуваат од новонастанатите околности. Притоа, Ангеловска-Бежоска ги потенцираше макроекономските политики што се преземаат кај нас и во другите земји од регионот, акцентирајќи го предизвикот за обезбедување финансиски средства со цел спроведување на мерките на  фискална политика со коишто треба да се ублажат негативните ефекти врз економијата заради состојбата со вирусот ковид-19.

Како член на Надзорниот одбор на Виенската иницијатива, претставувајќи ги шесте земји од Југоисточна Европа коишто сѐ уште не се членки на Европската Унија, Ангеловска-Бежоска активно учествува и во дискусиите за координиран пристап во совладувањето на предизвиците со коишто се соочуваат земјите од нашиот регион во овој период. Меѓу другото, решенијата за коишто се дискутира вклучуваат и иницирање засилена финансиска поддршка од изворите на Европската Унија. 

Во рамки на Пролетните средби на ММФ и Светската банка, гувернерката на Народната банка ќе учествува и на состанокот на Конституенцата во којашто членува нашата земја.

Можеби ќе ве интересира

Народната банка е добитник на наградата на „Комерцбанк“

Народната банка е добитник на наградата на „Комерцбанк“