Грипот „коси“ во соседството, во Грција починале седум лица
Објавено во: Балкан 17 Јануари, 2020
Седум лица починале од сезонски грип во Грција за помалку од десет дена.
Вкупниот број регистрирани смртни случаи од октомври достигна осум, покажуваат податоците на грчката Национална организација за јавно здравје, јави дописничката на МИА од Атина.
Заклучно со вчера, на интензивна нега биле хоспитализирани 24 сериозни случаи на лабораториски потврден грип, а осум лица починале, од кои повеќето претходно имале здравствени проблеми.
Од националната организација за јавно здравје на Грција изјавиле дека и во следните седмици ќе биде на високо ниво активноста на вирусот и како и секоја година до средината на март се очекува да има и други случаи на заболени од сезонски грип.