ГРЧКИТЕ ПЛАЖИ ЌЕ ОСТАНАТ СОН СЕ ДО 29 ЈУЛИ - соседите не отстапуваат од строгите услови
Објавено во: Македонија 12 Јули, 2020
Туристите кои во Грција ќе влегуваат преку граничниот премин со Бугарија, Промахонас, ќе мора да имаат потврда на англиски јазик за негативен PCR тест за Ковид направен 72 часа пред патувањето.
Влезот ќе биде дозволен само за државјани од листата земји кои грчките власти ја објавија пред две недели, а на која не се наоѓа Македонија.
Патниците кои ќе влегуваат преку копно или со авион ќе мора да го пополнат и специјалниот образец најдоцна еден ден пред патувањето. Новиве одредби на грчката влада стапуваат во сила во среда, 15-ти јули, а ќе важат до 29 јули, јави телевизија Сител.
Тоа значи дека македонските граѓани и после 15 јули најверојатно нема да можат да влезат во Грција, а таквата состојба ќе трае се до 29 јули.
Затоа, како опција за одмор треба да се одбере или некоја домашна дестинација, или евентуално Албанија и Турција.