Голф 7- Автомобил на годината и за 2013 година!

Добивај вести на Viber

Втора година  „Golf 7“ е прогласен за Автомобил на годината за 2013-та. Со 414 освоени поени (повеќе од двојно) пред своите конкуренти, глобално најпродаваниот автомобил на сите времиња Golf 7 е единствениот модел кој по втор пат ја добива оваа награда. Почнувајќи од 1975 година, во временски период од речиси 40 години сите 7 генерации од овој модел беа рангирани на овој избор заземајќи при тоа едно од првите три места. Новиот Golf 7 беше избран од страна на жирито, составено од 58 членови од 22 европски земји, поради севкупниот баланс и извонредните достигнувања од аспект на безбедност, штедливост, динамичност и удобност. По што е посебен „Golf 7“ ?! Со препознатлив надворешен дизајн, Golf 7 е комплетно нов под површината, полесен и базиран на новата MQB платформа на групацијата Volkswagen. Внатрешноста е пространа и изработена од високо квалитетни материјали со врвна завршна обработка. На врвот на листата вградени елементи се наоѓа обновениот ESP, а импресивната е низата на системи за активна безбедност, како: активното сопирање со кое избегнуваат понатамошни судири, системот за откривање замор, системот за движење во лента и адаптивната контрола. Возењето е пријатно, удобно и смирувачко. Моќноста на моторите кои се вградуваат е зголемена, така најмоќниот GTI мотор има 230 КС, а најмоќниот дизел TDI е со моќност од 184 КС. Сите модели се опремени со СТАРТ-СТОП систем,  а кај моторот 1.4 TSI вградена е новата технологија за  деактивирање на два цилиндри при мали брзини за намалена потрошувачка на гориво.