ГОЛЕМ ПАД НА БЕРЗАНСКИОТ ПРОМЕТ ВО АПРИЛ - пораснала пазарната капитализација
Објавено во: Финансии 07 Мај, 2020
Голем пад на берзанскиот промет е регистриран во април, што аналитичарите го поврзаа со корона кризата.
Вкупно промет во април во однос на март е намален за 72,88 отсто, говори берзанскиот билтен за тој месец. Или, од 2,78 милијарди денари, прометот на берзата, на 755 милиони денари.
Класичното тргување паднало за 56 отсто, говори билтенот, при што тргувањето со обврзниците е намалено за дури 95 отсто.
Просечниот промет паднал за 52 отсто, додека за 39 отсто се намалил просечниот број на трансакции во април во однос на март.
Бројот на трансакции во април се намалил за 97,7 отсто.
Но затоа, пак, пореаснала вредноста на берзанскиот индекс МБИ 10, и тоа за 23,2 отсто.
Во април има зголемување и на пазарната капитализација на компаниите на берзата, и тоа изразено во проценти, за 14,43 отсто.
Или, ако на крајот на март пазарната капитализација на компаниите била 2,54 милијарди евра, на крајот на април таа достигнала 2,91 милијарди евра.
Најтргувани акции на берзата во април се Комерцијална банка, Алкалоид, НЛБ Банка, Макпетрол, и Гранит, а накголем пораст имале цените на акциите на Макпетрол, ОКТА, Стопанска банка Битола, Алкалоид и Гранит.
Н.Н.Ф.