09 Март, 2021
0.0230

Голем човек, добар бизнисмен, пријател, хуманист: Политичарите и јавни личности се простуваат од Енвер Малиќи

Објавено во: Македонија 01 Декември, 2020

Нема некој кој остана рамнодушен на веста за смртта на Енвер Малиќи. Роден е во срцето на градот – во Старата скопска чаршија. Животот го заврши овде во градот за кој велеше дека му е во душата и тоа на функцијата заменик грданоначалник. Енвер Малиќи добил доста битки во животот – повеќето бизнис предизвици. Тој навистина беше еден од најпознатите бизнисмени во земјата. Сепак не успеа да ја добие битката со Ковид.  

„Со искрено жалење ја примив веста за смртта на Енвер Малиќи, заменик-градоначалник на Град Скопје, бизнисмен и сопственик на една од најуспешните компании во земјата – „Гемак трејд“. Со загубата на Енвер Малиќи, загубивме еден од нашите најистакнати и влијателни стопанственици и угледен член на бизнис заедницата. Загубивме сограѓанин кој беше неуморен и секогаш подготвен на нови предизвици, кој со својата самопрегорна работа водеше успешни деловни потфати и надвор од границите на нашата земја. На семејството на Енвер и на неговите најблиски и пријатели, со надеж дека овие зборови ќе им бидат утеха, им упатувам искрено сочувство во мое име и во име на Владата на Република Северна Македонија. Нека почива во мир, напиша премиерот Зоран Заев.
„Некогаш зборовите не можат да ги искажат чуствата кои што ги имаме кон блиските во нашите животи. Секогаш ведар, секогаш насмеан, секогаш со млад дух. Денес загубив добар пријател! Почивај во мир Енвер, пријателе мој, напиша градоначалникот на град Скопје Петре Шилегов.


„Со длабоко жалење ја примив веста за смртта на мојот познат албански пријател, соработник, хуманист и бизнисмен  Енвер Малиќи, првиот албански заменик градоначалник на град Скопје. Енвер секогаш ќе остане во нашите сеќавања како голем патриот и хуманист кој со своите дела оставивте многу траги во земјата и регионот. Искрено сочувство до семејството Малиќи и сите пријатели, се прости лидерот на ДУИ Али Ахмети.

„Жални вести ова утро. Почина Енвер Малиќи, заменик градоначалникот на Скопје, пријател на сите. Неговото име ќе биде запаметено и неговото отсуство ќе го чувствуваме. Почивај во мир, напиша Артан Груби, првиот вицепремиер.



Весел, среќен, полн со страст за животот. Човек - господин, еснаф, успешен бизнисмен, татко, сопруг и пред сѐ – другар! Почивај во мир пријателе, напиша Бујар Османи.


„Денес нè напушти Енвер Малиќи, бизнисмен, филантроп и заменик-градоначалник на Град Скопје. Енвер беше човек кој пленеше со својата харизма, својата ведрина и целокупното познавање на општествените состојби. Го изразувам моето длабоко сочувство до семејството, најблиските и неговите сопартијци. Бог да го прости, вели Саша Богдановиќ, градоначалник на општина Центар.


„Советничката група на ВМРО-ДПМНЕ и Коалицијата во градот Скопје изразува искрено и длабоко сочувство до Вас, до неговото најблиско семејство, до колегите, до пријателите, соработниците во Градот Скопје, до сопартијците и граѓаните на Скопје.

Заминувањето од овој свет на заменик градоначалникот Енвер Малиќи е тажна и болна загуба за граѓаните на градот Скопје, за сите што некогаш споделиле само миг или споделиле цел живот со него. Почивај во мир почитуван, стои во соопштението од советничка група на ВМРО-ДПМНЕ и Коалицијата во Град Скопје


Можеби ќе ве интересира

ФАКТОР НА ДЕНОТ: Најавен е полициски час, денеска има нови 316 заразени со коронавирусот

ФАКТОР НА ДЕНОТ: Најавен е полициски час, денеска има нови 316 заразени со коронавирусот

Меџити се повлекува, повеќе не е координатор на пратеничката група на ДУИ

Меџити се повлекува, повеќе не е координатор на пратеничката група на ДУИ

Повеќе од 95.000 граѓани досега се избориле со коронавирусот

Повеќе од 95.000 граѓани досега се избориле со коронавирусот

Во телефонот на велешанец осомничен за „Јавна соба“ е најдена детска порнографија

Во телефонот на велешанец осомничен за „Јавна соба“ е најдена детска порнографија

Во Македонија регистрирани нови 316 заразени со коронавирусот

Во Македонија регистрирани нови 316 заразени со коронавирусот

Македонците и понатаму нема да можат да патуваат во Грција

Македонците и понатаму нема да можат да патуваат во Грција

Власта смисли функција за главниот на ДУИ во Битола

Власта смисли функција за главниот на ДУИ во Битола

ДВЕ НЕДЕЛИ ПОЛИЦИСКИ ЧАС: Филипче образложи зошто ќе има забрана за движење од 22 до 05 часот

ДВЕ НЕДЕЛИ ПОЛИЦИСКИ ЧАС: Филипче образложи зошто ќе има забрана за движење од 22 до 05 часот

Мијалков со Коневски и семејството на судење за „Тортура“

Мијалков со Коневски и семејството на судење за „Тортура“