ГО СЛЕДЕЛЕ ТАЈНИ АГЕНТИ И ГО СНИМИЛЕ КАКО ОДИ КАЈ ЈАНЕВА - каде се движел Боки 13
Објавено во: Македонија 17 Февруари, 2020
Со возило одел во домот на поранешната специјална обвинителка Катица Јанева, но не знаел дека го снимале тајните агенти на Министерството за внатрешни работи.
Минатата година, точно на први јули, Бојан Јовановски бил снимен како со возило „ленд ровер“ се упатува на улицата каде тогаш живееше обвинителката, а сега обвинета во случајот Рекет.
Имало специјална екипа на МВР што го следела Боки 13. Тој неколку пати бил во МНТ, во ресторанот „Лајт“, а за цело време бил совозач, додека возач му било машко лице на возраст од триесетина години.
Со возило „рејнџ ровер“, според снимањата кои од МВР ги правеле тајно, а на барање на ОЈО, Јовановски доаѓа и заминува од домот на неговите родители во населбата Тафталиџе 1, а бил снимен како се среќава со едно машко лице во скопско кафуле, бил снимен во „Рамстор“ во продавницата за накит „Ребека“ и во ресторан во Скопје. Снимките покажуваат и дека на први јули лани, во попладневните часови Боки 13 е снимен како со возило „ленд ровер“ се упатува на улицата кадешто живееше обвинетата Катица Јанева, а бил снимен и на паркинг пред клиниката „Жан Митрев“ како разговара со машко лице. На снимките се гледа дека тој многу често бил земан и враќан од комплексот „Верина“ во населбата Орман. Боки одел до улицата „Варшавска“, а често и во МНТ. Неколкупати Боки и самиот го управувал возилото. Боки често знаел да седне и во ресторанот „Шпајз“ заедно со непознати машки лица.
Зоран Милески, пак, во Охрид го снимиле како тој и негов пријател одат на забава со три девојки на возраст до 25-години во клуб во Охрид. Ова денеска во судница го кажа јавната обвинителка Вилма Рускоска, читајќи ги доказите од тајно направените снимки за потребите на случајот „Рекет“.
Сите мтеријали што денеска беа покажани пред јавноста, се дел од посебните истражни мерки, односно тајно снимање.